Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

¿Matik wa skʼulane ja jas wa skʼana ja Jyoba ja bʼa jtyempotiki?

 XET’AN 23

¿Jastal wa stsʼijbʼaxi sok wa sutxi ja juʼunik wa xkaʼatikon eluki?

¿Jastal wa stsʼijbʼaxi sok wa sutxi ja juʼunik wa xkaʼatikon eluki?

Opisina bʼa wa stsʼijbʼaxi juʼunik (Estados Unidos)

Corea del Sur

Armenia

Burundi

Sri Lanka

Bʼa oj kʼot sbʼaj spetsanil ixuk winik «ja yabal ja Diosi» bʼa chikan jas lugar wa xtaxye, srasaʼile ma kʼumal, wa xkatikon el juʼunik bʼa junuk 750 kʼumalik (Apocalipsis 14:6). Stsʼakatal yuja ay jun kʼole ixuk winik bʼa tuktukil chonabʼ wa stsʼijbʼane ja juʼunik oj eluki sok yuja ay jun tsome sutumanik bʼa tuktukil kʼumal wa xbʼobʼ kʼulaxuk ja niwan aʼtel it, spetsanil ja yeʼnle taʼumantiʼe bʼa Jyoba.

Ja mero juʼunik wa x-eli wa stsʼijbʼaxi bʼa inglés. Ja Tsome Tojwanumi wa skʼela ja aʼtelik wa xkʼulaxi ja bʼa Opisina bʼa wa stsʼijbʼaxi juʼuniki (Departamento de Redacción), sok ti wa xtax bʼa Nueva York (Estados Unidos). Ja opisina it yeʼnani kajan sbʼaj skʼeljel ja aʼtelik bʼa stsʼijbʼajel juʼuni soka bʼa tuktukil naʼitsik Beteli. Stsʼakatal yuja ay kʼoleʼik tsʼijbʼanumik bʼa tuk chonabʼik, ja juʼuniki ay yajbʼal yuja sokan yaman yiʼojan ja loʼiliki bʼa wa xpayji yujile skʼumajel chikan maʼa bʼa yibʼanal ja luʼumi.

Ja jas tsʼijbʼunubʼal xa wa xjekjiyile ja sutumaniki. Yajni tsʼijbʼaxita ja juʼuniki sok ilxita lekxa ay, anto wa xjekyile ja sutumanik bʼa spetsanil ja Luʼumi jachʼ bʼa computadora, sok yeʼnxa ni xchole sutjel bʼa skʼumale sok skʼeljel bʼa akan lek bʼa jachuk ajekxuk bʼa akʼulxuk imprimir. Ja sutumaniki tsatsni lek wa x-aʼtiye bʼa stsajel ja sat loʼiliki oj yawe makunuk bʼa oj chiknajuk stojolil jastal ni wa xyala ja inglesi (Eclesiastés 12:10).

Ja computadoraʼiki jel xkoltani bʼa akʼulaxuk weʼgo ja aʼteliki. Ja computadora mi xbʼobʼ slokʼoluk jun ixuk ma winik tsʼijbʼanum ma sutuman, pe jelni xmakuniʼa, pes ayiʼojan diccionarioʼik sok jitsan programaʼik bʼa jas waxa kʼana oj aleʼ. Ja taʼumantiʼik bʼa Jyoba jtojbʼesnejtikon ja Sistema Electrónico de Edición Plurilingüe (MEPS, jachuk yal kut sbʼiʼil bʼa inglés), stsʼakatal ja it wa xbʼobʼ tsʼijbʼaxuk bʼa computadora chikan jas tikʼe letraʼil bʼa tuktukil kʼumal sok tsaʼan yajel ekʼuk soka dibujoʼik tojbʼelxaʼi bʼa jachuk xchapjel tsamal xta bʼa oj kʼulxuk imprimir.

¿Jas yuj jel xkatikon yi stʼilanil ja kʼumaliki anima jel tʼusanik ja matik skʼumaleʼi? Yujni jachʼ wa skʼana ja Jyobaji, ja yeʼn «wa skʼana oj koltajuke‘ spetzanil ixuk winik jumasa‘ bʼa oj sna‘e‘ sbʼaj ja smeranili» (1 Timoteo 2:3, 4, YD).

  • ¿Jastik wa xkʼulaxi bʼa stsʼijbʼajel ja juʼuniki?

  • ¿Jas yuj wa sututikon bʼa jitsan kʼumalik?