Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

¿Matik wa skʼulane ja jas wa skʼana ja Jyoba ja bʼa jtyempotiki?

 XET’AN 18

¿Jastal wala koltanitikon yajni wan ekʼel sbʼaje wokolik ja jmoj-aljeltikoni?

¿Jastal wala koltanitikon yajni wan ekʼel sbʼaje wokolik ja jmoj-aljeltikoni?

República Dominicana

Japón

Haití

Yajni wa x-ekʼ jun desgrasya, ja taʼumantiʼik bʼa Jyoba weʼgo wala koltanitikon skoltajel ja jmoj-aljeltikon maʼ wan wokolaneli. Spetsanil ja it wa sjeʼa merani wa xyajtay jbʼajtikon (Juan 13:34, 35; 1 Juan 3:17, 18). ¿Jastal wala koltanitikon?

Wa xkaʼatikon takʼin. Ja nebʼumanik bʼa Antioquía sjekawe takʼin bʼa skoltajel ja smoj-aljelik bʼa Judea yajni koʼ jun niwan waʼin ja bʼa lugar jaw (Hechos 11:27-30). Junxta ja bʼa jtyempotiki, yajni wa xkabʼtikon ja jmoj-aljeltikon bʼa chikan jas lugar wane yijel wokol, ja kongregasyoni wa stsomotikon takʼin sok wa xjekatikon bʼa skoltajele sbʼaja jastik wa xmakuniyujileʼi (2 Corintios 8:13-15).

Wa xkaʼatikon skoltajele sok jastik junuk. Ja ansyanoʼik wa xtaxye ja bʼa lugar ekʼel ja desgrasya wa x-och sleʼe jujune ja jmoj-aljeltikon ja bʼa kongregasyoni sok man wa staʼawe kʼot. Bʼobʼta jun tsome ixuk winik oj skʼel-e ja spiljelal waʼelal, jaʼ, kʼuʼalik, yajel aʼan sok jun lugar bʼa oj jijluke. Jitsan Taʼumantiʼik bʼa chapane wa skʼapa sbʼaje bʼa oj wajuke koltanel sok stojbʼesel ja snaje ja jmoj-aljeltikoni sok Naʼitsik bʼa Tsomjelal, pe sok stakʼin yeʼnle wa xwajye. Yuja jun ita aytikoni sok yuja jitsan xa tyempo wala aʼtitikon lajani, weʼgo xta ni wala koltanitikon yajni ay jun desgrasya. Meran, wani xkoltaytikon «ja janecʼ quermano xa ni [jbʼajtikoni]», pe chomajkil wani xcha xkoltaytikon ja tuki yajni wa xbʼobʼi, chikan jas relijyon yiʼoje (Gálatas 6:10).

Wa xkaʼatikon kulan skʼujole soka Biblia. Ja jas ni mas wa skʼanawe ja matik ekʼel sbʼaje jun desgrasya jani yajel kulan skʼujole. Ja bʼa ekʼeleʼik jaw, ja Jyoba, ja maʼ «jel ni huas stalna jyaujulaltica» wa xyayile yip bʼa akuchyujile (2 Corintios 1:3, 4). Ja yuj, ja matik chamkʼujol ayeʼi, wa xjeʼatikon yile ja jastik wa skʼapa oj skʼuluk ja Dyosi, wa xtax bʼa Biblia, ja bʼa wa skʼapa xmojojixtajan ja sGobyernoʼi bʼa oj ya chʼaysnajel ja jastik wa xya wokolanukotik ja bʼa jsakʼaniltiki (Apocalipsis 21:4).

  • ¿Jas yuj weʼgo xta wala koltanitikon yajni wa x-ekʼ jun desgrasya?

  • ¿Jastal wa xkatikon kulan skʼujol soka Biblia ja matik wa xkanye sakʼan bʼa jun desgrasya?