Kaʼax ja bʼa sbʼaʼal

Kaʼax ja bʼa sbʼaʼali

Taʼumantiʼik bʼa Jyoba

Stsajel jun kʼumal tojol-abʼal

 XET’AN 13

¿Jasunkiluk jun precursor?

¿Jasunkiluk jun precursor?

Canadá

Xcholjel naʼits naʼits

Sjeʼjel bʼa Biblia

Spaklajel atuchʼil ja Biblia

Ja yaljel precursoril jachʼtik jastal jun jama bʼej bʼa oj bʼobʼ ekʼuk ja tuk matik tsaʼani. Wa xbʼobʼ kaltik ja Jesusi wajni jun precursor, pes jekjikon ja bʼa Luʼumi bʼa oj skʼuluk jun aʼtel bʼa wa xyaʼa sakʼanil sok spojel ja bʼej bʼa jkoltajeltik (Mateo 20:28). Junxta ni ja bʼa jtyempotiki wani xnochotikon ja jas skʼulan ja Jesusi sok wani xchʼaka jbʼajtikon slejel yajel och nebʼumanik (Mateo 28:19, 20). Jujuntik kʼeyeta soka aʼtel bʼa precursori.

Jun choluman bʼa tyempo tsʼikan. Spetsanil ja Taʼumantiʼiki wani xcholotikon ja lekil rasonik bʼa Biblia. Pe ay tuk yaʼuneje ja sakʼanile bʼa oj aʼtuke jastal precursor regular sok stsʼiktesel 70 ora ja bʼa ixawi bʼa skʼulajel ja aʼtel it. Ja yuj, jitsan bʼa yeʼnle wa sleʼawe jun aʼtel bʼa kechanta nalan kʼakʼuj. Tuk wa stsajiye bʼa oj aʼtuke jastal precursor especial sok wa xjekjiye bʼa lugarik bʼa mas wa xkʼanxi cholumanik; ja yeʼnle wani stsʼiktese ja 130 ora ma mas ja bʼa ixawi. Ja precursorik it wa xyiʼawe jun sakʼanile bʼa mi chaʼanyabʼaliluk sok wani sjipawe skʼujol bʼa Jyoba bʼa oj ajukyile ja jas wa xmakuniyujileʼi (Mateo 6:31-33; 1 Timoteo 6:6-8). Ja matik mi xbʼobʼyujile ochel precursor regular ma especial wa xbʼobʼ ochuke precursor auxiliar sok wani stsʼiktese ja 30 ma 50 ora ja bʼa ixawi.

Ochel precursor jani yuja yajtanel sbʼaja Dyosi soka ixuk winiki. Junxta jastal Jesús, wani xnaʼatikon ja janekʼto wa skʼanawe ja ixuk winik oj yabʼye sbʼaja Dyosi soka jas wa skʼana oj skʼuluki (Marcos 6:34). Pe ja snajel kiʼojtikon xa sbʼaja Dyosi wa xbʼobʼ koltajuke ja bʼa jtyempotiki bʼa a-sjip skʼujole sbʼaja jas oj skʼuluk ja Dyos ja bʼa tyempo jakumi. Ja yajtanel yiʼoj ja precursori wani x-iji och bʼa aya makunuk ja styempo bʼa skoltajel ja ixuk winik a-snebʼ-e sbʼaja Dyosi (Mateo 22:39; 1 Tesalonicenses 2:8). Ja it wa xcha koltaji bʼa yajel tsatsbʼuk ja skʼuʼajel sbʼaja Dyosi, sok mas kʼubʼan wa x-ajyi soka Yeʼn. Ja it jel gusto wa xya ajyuk (Hechos 20:35).

  • ¿Jasunkiluk jun precursor?

  • ¿Jasunkiluk wa xnikjiyujile jujuntik bʼa oj ochuke choluman bʼa tyempo tsʼikan?