Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Juʼun bʼa spaklajel sbʼaja tsomjelal  |  Marzo bʼa 2016

 JA SAKʼANIL JA YAʼTIJUM DYOS

Stsʼakatal ja xchamelal ja Jesús wa xbʼobʼ ajyuk sakʼwelal

Stsʼakatal ja xchamelal ja Jesús wa xbʼobʼ ajyuk sakʼwelal

Ja Conmemoración jani mero styempoʼil bʼa oj jpensaraʼuktik sbʼaja jastik slekil oj ajyuk stsʼakatal ja xchamelal ja Jesús, sbʼaja it tey ja sakʼwelal. Ja Jyoba mini skʼanunej achamuk ja ixuk winiki. Soka jasunuk jel yaj wa xkabʼtiki sok mi xchʼay jkʼujoltik wego jani yajni ay maʼ wa xchamkujtiki (1Co 15:26). Ja Jesús jelni yaj yabʼ ja yila och okʼuke ja snebʼumaniki yuja cham ja Lázaro (Jn 11:33-35). Jnaʼunejtik ja Jesús sjeʼa tsʼikan lek ja smodo ja sTati, sok wani xnaʼatik ja Jyoba cha jelni yaj xyabʼ yajni wa xyila ay maʼ wa xchamkujtiki (Jn 14:7). Ja Jyoba wan smajlajel bʼa yajel sakʼwuk ja yaʼtijumik tojiki, sok chomajkil ja keʼntiki (Job 14:14, 15).

Ja Jyoba jun Dyos tojxta wa skʼulan ja jasunuki. Ja yuj, ja sakʼwelali cha tojxta ni oj skʼuluk (1Co 14:33, 40). Mixa oj okotik yuj ay maʼ chamelkujtik, ja oj jmajlaytik ja matik oj sakʼwukejani. ¿Wan maʼ xa pila tyempo bʼa spensarajel sbʼaja smajlajel it, sok mas ja yajni ay chamelkujtiki? (2Co 4:17, 18). ¿Wan maʼ xa wayi tsʼakatal ja Jyoba yuja ja majtanal bʼa sakʼwelal sok yuja ya makunuk ja Biblia bʼa oj jnatik ja chamwiniki ojni sakʼwukeʼa? (Col 3:15).

  • ¿Machunkiluk ja bʼa wa pamilya ma wa wamigo waxa kʼana oj sakʼwukjani?

  • ¿Maʼ ixuk winikil bʼa Biblia waxa kʼana oja naʼ sbʼaj?