Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Juʼun bʼa spaklajel sbʼaja tsomjelal  |  Octubre bʼa 2017

 JA SAKʼANIL JA YAʼTIJUM DYOS

La katik makunuk ja jsakʼaniltik bʼa stoyjel ja Jyoba

La katik makunuk ja jsakʼaniltik bʼa stoyjel ja Jyoba

Ja jsakʼaniltiki juni majtanal jel chaʼanyabʼal. Ja yuj, ja jastal wa xkiʼajtik ja jsakʼaniltiki wa sjeʼa janekʼto chaʼanyabʼal wa xkilatik. Kibʼanaltik ja taʼumantiʼik bʼa Jyoba wa xkʼujolantik bʼa yajel makunuk lek ja jas wa xnaʼatik skʼulajel bʼa stoyjel ja Jyoba, ja Maʼ yaʼunej ja jsakʼaniltiki (Sl 36:9; Apo 4:11). Pe ja wokolik wa xtʼaspuntik kʼakʼu kʼakʼu wa xbʼobʼ skʼuluk bʼa oj katikan tsaʼan ja jkʼelsatik bʼa ajyel mas kʼubʼan soka Jyoba (Mr 4:18, 19). Ja yuj, tʼilan la jobʼ jbʼajtik: «¿Wanon maʼ yajelyi ja Jyoba ja mas lek bʼa keʼna? (Os 14:2). ¿Ja maʼ ay mas stʼilanilkuj ja kaʼteli yuja jastal wa xkila jbʼaj soka Jyoba? ¿Jasa jkʼel sat kiʼoji? ¿Jas tuk oj bʼobʼ jkʼuluk bʼa xcholjel mas?». Ta wa xbʼobʼa kʼuluk mas, kʼanayi ja skoltanel ja Jyoba sok kʼulan ja janekʼ wa xbʼobʼawuji. Janiʼa, stoyjel ja Jyoba kʼakʼu kʼakʼu wa xya gustoʼaxukotik sok ay stojolil ja jsakʼaniltiki (Sl 61:8).

¿Machʼa wana yajelyi ja jas waxa naʼa skʼulajeli?

KʼELA JA BIDEO AYI JA MAS LEK BʼA WEʼNA JA JYOBA SOK AWIK SJAKʼJEL JA SJOBʼJELIK IT:

  • ¿Jas yuj mi sbʼejuk yajelyi ja sluʼumkʼinal ja Satanás ja jas wa xnaʼatik skʼulajeli? (1Jn 2:17).

  • ¿Jastik slekilal wa staʼawe ja matik wa xyaweyi ja mas lek bʼa sakʼanile ja Jyoba?

  • ¿Bʼa jas aʼtelil bʼa Dyos waxa kʼana oj wa makunuk ja jas waxa naʼa?