Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Juʼun bʼa spaklajel sbʼaja tsomjelal  |  Octubre bʼa 2016

 JA SAKʼANIL JA YAʼTIJUM DYOS

¿Wana maʼ yajel makunuk ja tarjetaʼik bʼa jw.org?

¿Wana maʼ yajel makunuk ja tarjetaʼik bʼa jw.org?

Ja kaʼteltik bʼa xcholjeli jelni stʼilanil, pes ja niwan wokoli wanxta mojxeljan (Pr 24:11, 12, 20). Juni modo bʼa skoltajel ja ixuk winik jani yajel makunuk ja tarjetaʼik bʼa jw.org, bʼa wa x-ikʼwani och man Biblia sok bʼa jsitiotik bʼa Internet. Ja tarjetaʼik it ayiʼoj jun código wa x-ikʼwani bʼa bideo ¿Jas yuj tʼilan spaklajel ja Biblia? sok jun lokjelal bʼa slejel tuk jastik junuk ma skʼanjel jun estudio kʼebʼubʼal bʼa Biblia. Ayni mi skʼanawe snebʼjel sbʼaja juʼuntiki, pe wa skʼanawe ochel ja bʼa jsitiotik bʼa jw.org. Ja bʼa ekʼeleʼik jaw, mok jel jpensaraʼuktik, la katikanyile jun tarjeta. Pe mok katikanyile ja matik mini skʼanawe snebʼjeli.

Ja bʼa kaʼteltik wa xkʼulantik kʼakʼu kʼakʼu, wani xbʼobʼ jpaytike ja ixuk winik kechanta yaljel ja it: «Wa xkʼana oj kakanawi ja tarjeta it. Ayiʼoj ja direksyon bʼa Internet bʼa oja taʼ chikan jas jasunuk sok bideoʼik kʼebʼubʼal bʼa jitsan tuktukil jastik junuk» (Jn 4:7). Yuja tarjetaʼik it yal nux, ojni bʼobʼ kitik ekʼ chikan bʼaʼa sok yajelkan ja yajni wa xbʼobʼi.