Kaʼax ja bʼa sbʼaʼal

Kaʼax ja bʼa sbʼaʼali

Taʼumantiʼik bʼa Jyoba

Stsajel jun kʼumal tojol-abʼal

 JA SAKʼANIL JA YAʼTIJUM DYOS

La jkoltaytik ja Jyoba soka jastik sbʼej yaʼunej kulani

La jkoltaytik ja Jyoba soka jastik sbʼej yaʼunej kulani

Yeʼnani ja Jyoba ja maʼ yaʼunej kujlajuk ja jastal sbʼej oj kitik ja jsakʼaniltiki. Jun sjejel, yeʼnani skʼulunej oj nupanuk jun ixuk sok jun winik bʼa tolabida (Mt 19:4-6, 9). Wa xyijnay chikan jas tikʼe koʼel mulal (1Co 6:9, 10). Sok cha wa xyaʼa rasonik sbʼa jastal oj jkʼutes jbʼajtik sok jastal oj jchap jbʼajtik bʼa wa sjeʼa ja yaʼtijumotik Dyos tukotik yuja tuk ixuk winiki (Dt 22:5; 1Ti 2:9, 10).

Ja bʼa jtyempotiki, jitsan mi skʼanawe skʼuʼajel ja jastik yaʼunej kujlajuk ja Jyoba (Ro 1:18-32). Jani wa snochowe ja jastik yajkʼachil wan elel ja bʼa skʼutesel sbʼaje, bʼa xchapjel sbʼaje sok ja bʼa smodoʼe. Jel stoyo sbʼaje soka kuxil sakʼanil yiʼojeʼi sok wa skʼenaye ja matik mi skʼulane ja jastik wa skʼulane ja yeʼnleʼi (1Pe 4:3, 4).

Ja taʼumantiʼik bʼa Jyoba tʼilani oj jkoltaytik sok mini tʼun xiwel ja smandarik yaʼunej kujlajuk ja Jyoba sbʼaja jas toji (Ro 12:9). ¿Jastal oj bʼobʼ jkʼuluktik? Xcholjel jaman lek sok bʼa jun modo laman ja jas lek wa xyila ja Dyosi sok kʼuʼabʼal ajyel soka jastik yaʼunej kujlajuki. Jun sjejel, ja yajni oj jtsatik jas oj jlaptik maʼ oj jchap jbʼajtik, la jobʼ jbʼajtik: «¿Ja maʼ wanon snochjel ja jas yaʼunej kujlajuk ja Jyoba ma jaʼa bʼa luʼumkʼinal it? ¿Wan maʼ xjeʼa soka jplanta jun yaʼtijumon Dyos?». Ma yajni wa stsaʼa jas pelikula oj jkʼel: «¿Lek maʼ oj yil ja Jyoba? ¿Jas tikʼe sakʼanil wa sjeʼa?». Ja tyempo wa xpila bʼa yajel ekʼ gusto, ¿mi maʼ oj syopes ja jastal wala taxyon soka Jyoba? (Sl 101:3). ¿Jastal oj jomjuk ja jpamilya ma ja tuk ixuk winik ja jas oj jtsaʼ skʼulajeli? (1Co 10:31-33).

¿Jas yuj jel tʼilan oj jkoltaytik ja jastik yaʼunej kulan ja Jyoba? Yujni ja Jesukristo ojxta xchʼaysnajel ja chonabʼiki sok yibʼanal ja jastik mi lekuki sok kechan oj kanuke sakʼan ja matik kʼuʼabʼal aye soka Dyosi (Eze 9:4-7; 1Jn 2:15-17). Ja yuj, la jkoltaytik sok mini tʼun xiwel ja jastik yaʼunej kujlajuk ja Jyoba, bʼa jachuk ja matik wa xyilawe ja lekil jmodotiki a-stoye ja Dyosi (1Pe 2:11, 12).

¿Jasa wa xjeʼa soka jastal wa xkʼutes jbʼaj sok wa xchapa jbʼaji?

KʼELA JA BIDEO AMIGOʼAN JA JYOBA: JUN WINIK, JUN IXUK SOK AWIK SJAKʼJEL JA SJOBʼJELIK IT:

  • ¿Jas yuj tʼilan oj jkʼuʼuktik ja jastik yaʼunej kujlajuk ja Jyoba?

  • ¿Jas yuj tʼilan ja nantatalik a-sjeʼeyi ja yuntikile man yal xchʼinile ja jastik yaʼunej kujlajuk ja Jyoba?

  • Keremtik akʼixuk sok matik ayxa skʼujole, ¿jastal oj bʼobʼa koltayex ja ixuk winik bʼa oj yabʼye stsamalil ja slekil skʼujol ja Dyosi?