Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Juʼun bʼa spaklajel sbʼaja tsomjelal  |  Enero bʼa 2018

 JA SAKʼANIL JA YAʼTIJUM DYOS

«Cax tojbes abajex bajtan soc ja huermano»

«Cax tojbes abajex bajtan soc ja huermano»

Pensaraʼan tey jawa naj bʼa Galilea, bʼa styempo ja Jesús. Sok tixa aya bʼa Jerusalén bʼa skʼintajel ja Kʼin bʼa Lejchupatik. Sok tixa aye tiw tuk kʼuʼumanik bʼa jakele bʼa yibʼanal ja país, sok bʼutʼel ixuk winik. Pe ja wego, waxa kʼana oja kʼap jun smajtan ja Jyoba. Ja yuj, wokolxta ekʼuma och bʼa kʼotel ja bʼa templo yuja latsʼan bʼejik bʼa chonabʼi sok awiʼonej och juna chibo. Yajni tixa aya tiw, bʼutʼel juntiro ixuk winik; jel jitsan ja matik wa skʼanawe skʼapjel jun majtanal. Pe ja wego, weʼnxa achol yajelyi jawa chibo ja sacerdoteʼik. Pe yajni ojxta awaʼi, ti jula kʼujol juna moj-aljel, bʼa ay jas ekʼelabʼajsok, bʼa bʼobʼta tini ay ja bʼa jitsan ixuk winik jaw ma chikan bʼaʼa ja bʼa yoj chonabʼi. Ta jachuki ja Jesús xcholo ja jas tʼilan oja kʼuluki (kʼuman ja Mateo 5:24). ¿Jas oj bʼobʼa kʼuluk ja weʼn sok ja maʼ ayajbʼesi bʼa skʼuʼajel ja mandar yaʼa ja Jesús sok slejel lamanil? Jisa ja sjakʼjel bʼa sbʼejni skʼulajel ja bʼa lista bʼa koʼeli.

JA JAS OJA KʼULUK JA WEʼN

  • Ochel loʼil soka wa moj-aljeli ta waxa pensaraʼan yeʼn ayiʼoj rason yuja yajbʼesi.

  • Slejel modo yajel kʼokxuk bʼa mi sbʼejuk-ay ta waxa kʼuʼan jel chʼinaj ma ayni tʼun smul.

  • Ama mixa wabʼ lek stojolil sok mini xa kʼana syajbʼesel, maklay lek ja yajni wan xcholjelawabʼi sok kʼanayi perdon.

JA JAS OJ SKʼULUK JAWA MOJ-ALJELI

  • Yaljelyabʼ ja tuk bʼa kongregasyon ja jas akʼulanyi, bʼa oj koltajuk ja yeʼn.

  • Stajbʼajela yaljel ja jastik mixa ay stʼilanili, sok stʼenjela bʼa oja wal weʼnani amul.

  • Ja yeʼn oj spensaraʼuk sbʼaja jastal chʼin awaʼabʼaj sok ja mi xiwya ochel loʼil soka yeʼn, sok yajel perdon.

Ama ja wego mixa xkaʼatik chanteʼik jastal majtanal bʼa stoyjel ja Dyos, ¿jastal sjeʼa ja Jesús bʼa tini chʼikan ja ajyel laman soka jmoj-aljeltik soka toyjelal bʼa lek xyila ja Dyos?