Bwiinguzi bwamu Bbaibbele

Mulengi wesu wakabikka milawo yeendelezya zikwati kaindi mfwulumende kazitanatalika kweendelezya bubambe oobu. Bbuku lyakusaanguna mu Bbaibbele litwaambila kuti: “Mwaalumi uleelede kusia wisi abanyina akukakatila kumwanakazi wakwe, babe nyama yomwe buyo.” (Matalikilo 2:24) Jesu wakasinizya kwaamba kuti aabo bakwetene beelede kuba “mwaalumi amukaintu.”—Matayo 19:4.

Aboobo, Leza wakali kuyanda kuti cikwati kacili caanzyo calukamantano citamani akati kamwaalumi amukaintu. Baalumi abamakaintu bakapangwa kuti kabagwasyanya kutegwa bacikonzye kubikkila maano kuziyandika zyaumwi alimwi amakani aakoonana akuzyala bana.