Saulu wakaba mwami mutaanzi wa Isilayeli. Pele Jehova wakamukaka, aboobo Davida wakasalwa kuba mwami mubusena bwakwe. Tulajana zintu zinji zyaamba Davida. Kali mukubusi wakalwana a Golyati bbumbwabuuka. Kumane wakaccija ku Mwami Saulu simunyono. Eelyo Abigayeli mukaintu mubotu wakamukasya kucita zintu zyabufwubafwuba.

Cabili, tulaiya zintu zinji zyaamba Solomoni mwana wa Davida, iwakanjila mubusena bwa Davida akuba mwami wa Isilayeli. Bami bataanzi botatwe ba Isilayeli, aumwi wakalela kwamyaka iili 40. Naakafwa Solomoni, Isilayeli wakaba muzibeela zyobilo, kwakali bwami bwakunyika abwakumusanza.

Imisyobo iili 10 yabwami bwakunyika yakakkala kwamyaka iili 257 kaitana nyonyoonwa abana Siliya. Kwiinde myaka iili 133, misyobo yobilo yabwami bwakumusanza yakanyonyoonwa ayalo. Aciindi aawa bana Isilayeli bakatolwa mubuzike ku Bbabbuloni. Aboobo Cibeela CANE caamba zintu zyakacitika mumyaka iili 510, iciindi zintu zinji zikkomanisya nizyakacitika.

Mwami Solomoni ulapaila