SINSIMUKA!

Mubuzyo: Bantu bamwi tabasyomi kuti Jesu wakaliko ncobeni, pesi bamwi balisinizyide kuti wakaliko. Pele bamwi baamba kuti cilakatazya kuzyiba masimpe. Ino nywebo muyeeya buti?

Kwaabila: Magazini ya Sinsimuka! eeyi ilaamba bumboni buliko.

AMUYIISYE KASIMPE

Mubuzyo: Ncinzi cicitika muntu afwa?

Lugwalo: Joh. 11:11-14

Kaambo Kamasimpe: Muntu afwa, buumi bwakwe bulamana. Aboobo tatweelede kuyoowa buumi buboola twafwa. Jesu wakeezyanisya lufwu kuŋonzi. Mbubwenya mbwaakacita kuli Lazaro, Jesu “uyoobabusya” bayandwa besu bafwide kutegwa bakakkomane kupona alimwi anyika.—Job. 14:14.

KAPEPA KAKUTAMBA BANTU KUMISWAANGANO YAMBUNGANO (inv)

Kwaabila: Ndamutamba kumakani aa Bbaibbele aatabbadelelwi. Ayoopegwa ku Ŋanda ya Bwami, ibusena nkotukombela. [Amubape kapepa, mubaambile ciindi alimwi abusena bwakucitila miswaangano yakumamanino aansondo, akubaambila mutwe wamakani aabuleya.]

Mubuzyo: Sena mwakaliko kale ku Ŋanda ya Bwami? [Ikuti kacikonzyeka, amutondezye vidiyo yakuti Ino Ncinzi Cicitika ku Ŋanda ya Bwami?]

AMULEMBE NZILA YANU NOBENI

Inga mwabelesya nzila zili muzitondezyo zyainda ikulemba nzila njomuyanda kuyoobelesya mumulimo wamumuunda.