Ciindi Paulo naakali kubetekwa, wakalomba kuti mulandu wakwe utolwe kuli Kaisara. Kwiinda mukubelesya nguzu nzyaakajisi mbuli sicisi muna Roma, wakatusiila cikozyanyo ncotweelede kutobela mazuba aano. Amweebelele kavidiyo kakuti Kuzumizyigwa kwa Mulimo Wesu mu Quebec, kutegwa mubone bakwesu mbobakabelesya milawo yacisi kwiiminina makani mabotu mu Quebec. Mpoonya mwiingule mibuzyo iitobela:

  • Ino mbuyumuyumu nzi mbobakajana bakwesu mu Quebec?

  • Ino nkatulakiti nzi kaalubazu nkobakamwaya, alimwi ncinzi cakacitika?

  • Ncinzi cakacitika ku Mukwesu Aimé Boucher?

  • Ino Nkuta Mpati yaku Canada yakaakosola buti makani aajatikizya Mukwesu Boucher?

  • Ino mulawo nzi wamucisi uutavwuli kubelesyegwa ngobakabelesya bakwesu, alimwi ncinzi cakacitika?

  • Ncinzi cakacitika ciindi bamapulisa nobakamana kunyonganya muswaangano wa Bunakristo kwiinda mukuyungwa abapaizi?