Luka 3:1-38

  • Johane watalika mulimo wakwe (1, 2)

  • Johane wakambauka kujatikizya lubbapatizyo (3-20)

  • Kubbapatizyigwa kwa Jesu (21, 22)

  • Izyalani lya Jesu Kristo (23-38)

3  Mumwaka wa 15 wabulelo bwa Tiberiyo Kaisara, Ponto Pilato naakali mweendelezi wa Judaya, Heroda*+ wakali mweendelezi wacilikiti* ca Galilaya, Filipo imwanookwabo wakali mweendelezi wacilikiti mucisi ca Itureya a Trakoniti, mpoonya Lusaniyo wakali mweendelezi wacilikiti ca Abilene,  kumazuba aamupaizi mupati Anasi alimwi a Kayafa,+ ijwi lya Leza lyakasika kuli Johane+ mwana wa Zekariya naakali munkanda.+  Aboobo wakaunka muminzi yoonse yeengelede Jordano, kakambauka lubbapatizyo lwacitondezyo cakweempwa kutegwa zibi zilekelelwe,+  mbubonya mbokulembedwe mubbuku lyamajwi aamusinsimi Isaya kati: “Kulimvwisya jwi lyamuntu woongolola munkanda kuti: ‘Amubambe nzila ya Jehova!* Amululamike migwagwa yakwe.+  Makkuti oonse aavwikkilwe, alimwi zilundu zyoonse alimwi atulundu-lundu azimwaigwe; nzila zipilingene azilulamikwe, alimwi nzila zyamaguguunya azisumbule;  alimwi bantu boonse bayoobona lufwutuko luzwa kuli Leza.’”*+  Aboobo makamu aabantu naakali kuboola kuli Johane kuti babbapatizyigwe, wakali kubaambila kuti: “Nywebo nobana babacipile, nguni wamucenjezya kuti mutije bukali buboola?+  Aboobo amuzyale micelo yeendelana akweempwa kwanu. Mumyoyo yanu mutanikwaambi kuti, ‘Abrahamu ngutaateesu.’ Nkaambo ndimwaambila kuti Leza ulakonzya kumupa bana Abrahamu kuzwa kumabwe aaya.  Masimpe, keembe kali kale kumiyanda yazisamu. Aboobo cisamu cili coonse citazyali micelo mibotu cilagonkwa akusowelwa mumulilo.”+ 10  Mpoonya makamu aabantu akali kumubuzya kuti: “Ino lino tucite buti?” 11  Mukwiingula wakabaambila kuti: “Ooyo uujisi zisani zyobilo* ape cimwi kuli yooyo uutajisi, awalo ooyo uujisi zyakulya acite mbubonya.”+ 12  Nobaba basimutelo bakaboola kuti babbapatizyigwe,+ mpoonya bakati kulinguwe: “Omwiiyi, ino tucite buti?” 13  Wakati kulimbabo: “Mutatezyi mali aayindilila amweelwe wamutelo uubikkidwe.”+ 14  Abalo basikalumamba bakali kumubuzya kuti: “Ino swebo tucite buti?” Wakabaingula kuti: “Mutapenzyi* naa kubejelezya muntu uuli woonse,+ pele amukkutile azintu nzyomupegwa.”* 15  Lino bantu bakali kulangila alimwi boonse bakali kulibuzya mumyoyo yabo kujatikizya Johane kabati, “Sena ooyu inga kali ngo Kristo?”+ 16  Johane wakabaingula boonse kuti: “Mebo ndimubbapatizya amaanzi, pele ooyo uundiinda nguzu ulaboola, ngonditeeleli kwaangununa ntambo zyampato zyakwe.+ Uyoomubbapatizya amuuya uusalala alimwi amulilo.+ 17  Cipupuluzyo cakwe cili mujanza lyakwe, ikutegwa alusalazye cakumaninina lubuwa lwakwe lwakuumina maila akuyobola wiiti mubutala bwakwe, pele buungu uyoobuumpa mumulilo uutakonzyi kuzimwa.” 18  Alimwi wakabakombelezya ziindi zinji akuzumanana kwaambilizya makani mabotu kubantu. 19  Pele Heroda mweendelezi wacilikiti ooyo Johane ngwaakasinsa akaambo ka Herodiya, imukaintu wamunyina alimwi akaambo kazintu zibi zyoonse nzyaakacita, 20  wakacita cintu cibi acimbi eeci: wakaanga akubikka Johane muntolongo.+ 21  Lino bantu boonse nobakabbapatizyigwa, awalo Jesu wakabbapatizyigwa.+ Eelyo naakali kupaila, ijulu lyakajaluka,+ 22  mpoonya muuya uusalala iwakali kulibonya mbuli nziba wakaseluka alinguwe, alimwi kujulu kwakazwa jwi ilyakaamba kuti: “Yebo uli Mwanaangu ngweyandisya, ngwekkomanina.”+ 23  Jesu+ naakatalika mulimo wakwe wakajisi myaka iitandila ku 30,+ alimwi wakazyibidwe kuti wakali mwanawa Josefa,+Josefa wakali mwana wa Heli, 24  Heli wakali mwana wa Matati,Matati wakali mwana wa Levi,Levi wakali mwana wa Meleki,Meleki wakali mwana wa Janai,Janai wakali mwana wa Josefa, 25  Josefa wakali mwana wa Matatio,Matatio wakali mwana wa Amosi,Amosi wakali mwana wa Nahumu,Nahumu wakali mwana wa Eseli,Eseli wakali mwana wa Nagai, 26  Nagai wakali mwana wa Maati,Maati wakali mwana wa Matatio,Matatio wakali mwana wa Semeini,Semeini wakali mwana wa Joseke,Joseke wakali mwana wa Joda, 27  Joda wakali mwana wa Joanani,Joanani wakali mwana wa Resa,Resa wakali mwana wa Zerubabeli,+Zerubabeli wakali mwana wa Salatieli,+Salatieli wakali mwana wa Neri, 28  Neri wakali mwana wa Meleki,Meleki wakali mwana wa Adi,Adi wakali mwana wa Kosamu,Kosamu wakali mwana wa Elimadama,Elimadama wakali mwana wa Ere, 29  Ere wakali mwana wa Jesu,Jesu wakali mwana wa Eliezere,Eliezere wakali mwana wa Jorimu,Jorimu wakali mwana wa Matati,Matati wakali mwana wa Levi, 30  Levi wakali mwana wa Simiyoni,Simiyoni wakali mwana wa Judasi,Judasi wakali mwana wa Josefa,Josefa wakali mwana wa Jonamu,Jonamu wakali mwana wa Eliakimu, 31  Eliakimu wakali mwana wa Meleya,Meleya wakali mwana wa Mena,Mena wakali mwana wa Matata,Matata wakali mwana wa Natani,+Natani wakali mwana wa Davida,+ 32  Davida wakali mwana wa Jese,+Jese wakali mwana wa Obedi,+Obedi wakali mwana wa Boazi,+Boazi wakali mwana wa Salamoni,+Salamoni wakali mwana wa Nasoni,+ 33  Nasoni wakali mwana wa Aminadabu,Aminadabu wakali mwana wa Arini,Arini wakali mwana wa Hezironi,Hezironi wakali mwana wa Perezi,+Perezi wakali mwana wa Juda,+ 34  Juda wakali mwana wa Jakobo,+Jakobo wakali mwana wa Izaka,+Izaka wakali mwana wa Abrahamu,+Abrahamu wakali mwana wa Tera,+Tera wakali mwana wa Nahori,+ 35  Nahori wakali mwana wa Serugi,+Serugi wakali mwana wa Reu,+Reu wakali mwana wa Pelegi,+Pelegi wakali mwana wa Eberi,+Eberi wakali mwana wa Sela,+ 36  Sela wakali mwana wa Kainani,Kainani wakali mwana wa Arifakisadi,+Arifakisadi wakali mwana wa Semu,+Semu wakali mwana wa Nowa,+Nowa wakali mwana wa Lameki,+ 37  Lameki wakali mwana wa Metusela,+Metusela wakali mwana wa Enoki,Enoki wakali mwana wa Jaredi,+Jaredi wakali mwana wa Mahalaleeli,+Mahalaleeli wakali mwana wa Kainani,+ 38  Kainani wakali mwana wa Enosi,+Enosi wakali mwana wa Seti,+Seti wakali mwana wa Adamu,+Adamu wakali mwana wa Leza.

Bupanduluzi buyungizyidwe

Nkokuti, Heroda Antipa. Amubone Bupanduluzi Bwamabala.
Mu Chigiriki, “wacibeela comwe cazibeela zyone zyacooko.”
Naa “mbwafwutula Leza.”
Naa “cisani cakucinca.”
Naa “Mutanyangi.”
Naa “nzyomuvwola.”