Isaya 54:1-17

  • Ziyoni uutazyali uyooba abana banji (1-17)

    • Jehova mulumi wa Ziyoni (5)

    • Bana ba Ziyoni bayakuyiisyigwa a Jehova (13)

    • Zilwanyo zibelesyegwa kulwana Ziyoni tazikazwidilili (17)

54  “Ompolola cakukondwa, yebo omukaintu uutazyali ootakazyala!+ Sekelela akoompolola cakukondwa+ yebo ootakamyongwa,+Nkaambo bana bamukaintu wakasiigwa amulumi mbanji kapatiKwiinda bana bamukaintu uujisi mulumi,”*+ mbwaamba Jehova.   “Kokomezya busena bwatente lyako.+ Kotandabula milembo yatente yaŋanda yako mpati. Utawayiwayi pe, kolampya ntambo zyatente lyako,Alimwi kopa kuti nembe zyako eezyo zyatente zijatisye.+   Nkaambo yebo unooyaabukomena kululyo akulumwensyi. Bana bako bayookona masi,Alimwi bayookkala muminzi iinyonyookede.+   Utayoowi pe,+ nkaambo tokausyigwi nsoni;+Alimwi utausi pe, nkaambo tokatyompwi. Nkaambo uyooziluba nsoni nzyowakajisi nowakali mukubusi,Alimwi masampu aakuba mukamufwu tokaayeeyi limbi pe.”   “Nkaambo Mulengi wako Mupati+ uli mbuli mulumaako,*+Jehova wamakamu ndezina lyakwe,Alimwi Uusalala wa Israyeli ngo Munununi wako.+ Walo unakwiitwa kuti Leza wanyika yoonse.+   Nkaambo Jehova wakakwiita mbuli kuti yebo wakali mukaintu wakasiidwe alikke alimwi uupengede mumizeezo,*+Mbuli mukaintu wakakwatwa kali mukubusi mpoonya iwakalekwa,” mbwaamba Leza wako.   “Nkaambo ndakakusiya olikke kwaciindi cisyoonto buyo,Pele ndiyookujola muluse lwangu lupati.+   Abukali bupati ndakakusisa busyu bwangu kwakaindi kaniini,+Pele muluyando lutamani lwalyoonse alyoonse ndiyookufwida luse,”+ mbwaamba Munununi wako,+ Jehova.   “Kulindime eeci cili mbuli mazuba aa Nowa.+ Mbubonya mbondakakonka kuti maanzi aakuciindi ca Nowa taakaivwumbi limbi nyika,+Mbubonya buyo ndakonka kuti tandikakunyemeni limbi nokuba kukubwentela.+ 10  Nkaambo malundu alakonzya kugusyigwaAtwalo tulundu-lundu tulakonzya kuzungaanizyigwa,Pele luyando lwangu lutamani talukagusyigwi pe kulinduwe,+Acalo cizuminano cangu caluumuno tacikazungaani pe,”+ mbwaamba Jehova, ooyo uukufwida luse.+ 11  “Yebo omukaintu uupengede,+ uubbubbulwa aguwo pati, uutaumbulizyidwe,+Ndiyala mabwe aako kubelesya bulongo bujata kapatiAlimwi ndilabikka ntalisyo yako amabwe aasafilo.+ 12  Nsonje zyamalambo aako ndilazipanga kuba zyamabwe mayandisi aasalala,Milyango yako ilaba yamabwe aabekema,*Ayalo minyinza yako yoonse ilaba yamabwe mayandisi. 13  Bana bako boonse bayooyiisyigwa a Jehova,+Alimwi luumuno lwabana bako luyoovwula kapati.+ 14  Uyookkazikizyigwa mubululami.+ Uyootantamunwa akutolwa kulamfwu amapenzi,+Tokayoowi cintu cili coonse alimwi takukabi cintu cikupa kuyoowa,Nkaambo tacikakusweni afwaafwi pe.+ 15  Ikuti umwi akakulwane,Takaciti oobo kwiinda mukulaililwa andime. Kufwumbwa uukulwana uyakuwa muzinga akaambo kanduwe.”+ 16  “Bona! Ndime ndakalenga mufwuzi,Ooyo uufwulida mulilo wamalasha,Akufwula cilwanyo. Alimwi ndime ndakalenga sikunyonyoona kuti anyonyoone.+ 17  Kunyina cilwanyo cipangilwa kulwana nduwe iciyoozwidilila,+Alimwi uyakuupa mulandu mulaka uuli woonse uukubukila mulubeta. Oolu ndolukono lwababelesi ba Jehova,Alimwi bululami bwabo buzwa kulindime,” mbwaamba Jehova.+

Bupanduluzi buyungizyidwe

Naa “simalelo.”
Naa “simalelaako.”
Mu Chihebrayo, “uuside mumuuya.”
Naa “mabwe aamulilo.”