Isaya 46:1-13

  • Mituni yabana Babuloni tayeelene a Leza wabana Israyeli (1-13)

    • Jehova waambila limwi iziyoocitika kumbele (10)

    • Muyuni uulya nyama uuzwa kumapaswido aazuba (11)

46  Beli wakotama,+ Nebo woongomana. Mituni yabo yabikkwa amisana yabanyama, banyama banyamuna ntundu,+Yaba mbuli zibbudu zilemena banyama bakatede.   Boongomana akukotama antoomwe;Tabakonzyi kwiivwuna mikuli* eeyo pe,Alimwi balo beni batolwa mubuzike.   “Amundiswiilile, nywebo nobamuŋanda ya Jakobo, anywebo nyoonse nomusyeede muŋanda ya Israyeli,+Nywebo mbondali kugwasya kuzwa nomwakazyalwa ambondali kunyamuna kuzwa nomwakazwa mwida.+   Kusikila mukacembaale, ndinooli ngomunya;+Kusikila mukatube mvwi, mebo ndilazumanana kumuyumuna. Mbubonya mbondali kucita, ndilamunyamuna, ndilamuyumuna akumuvwuna.+   Ino nguni ngomunga mwandikozyanisya anguwe naa kundeelanya nokuba kundeezyanya,+Kutegwa tweelane anguwe?+   Nkobali aabo batuntumuna ngolida kuzwa mumpotomona zyabo;Bapima nsiliva aacikkelo. Babbadela mufwuzi, eelyo walo upanga leza kuli zyeezyi.+ Mpoonya balakotama, inzya, balamukomba.*+   Balamunyamuna leza ooyo amagwezyo aabo;+Balamubweza akumubikka mubusena bwakwe, eelyo wiima buyo. Tasweni pe kuzwa abusena mpabede.+ Bantu balamukwiilila, pele walo tabavwiili pe;Takonzyi kuvwuna muntu uuli woonse kumapenzi.+   Amuyeeye makani aaya, mube basicamba. Amwaabikke mumoyo, nywebo nobasikusotoka milawo.   Amuyeeye zintu zyakusaanguna zyakaindi kapati,Kuti mebo ndime Leza, taakwe uumbi pe. Ndime Leza, taakwe uumbi uuli mbuli ndime.+ 10  Kuzwa kumatalikilo ndaambila limwi ciyoocitika kumbele,Alimwi kuzwa kaindi ndaambila limwi zintu zitanacitika.+ Ndime ndaamba kuti, ‘Makanze* aangu ayoozwidilila,+Alimwi zyoonse nzyondiyanda ndiyoozicita.’+ 11  Ndilaita muyuni uulya nyama kuzwa kumapaswido aazuba,*+Ndilaita muntu kuzwa kunyika yakulamfwu kuti azoozuzikizye makanze* aangu.+ Ndaamba, eelyo ndiyoocicita. Ndakanza, eelyo ndiyoocizuzikizya.+ 12  Amundiswiilile, nywebo nomutanyoneki,*Nywebo nomuli kule kapati abululami. 13  Bululami bwangu ndabuleta afwaafwi;Tabuli kule pe,Alwalo lufwutuko lwangu talukamuki pe.+ Mu Ziyoni ndiyoopa lufwutuko, ndiyoopa Israyeli bulemu bwangu.”+

Bupanduluzi buyungizyidwe

Nkokuti, mituni njibanyamuna banyama.
Mu Chihebrayo, “balamukotamina.”
Naa “Lulayo.”
Naa “kujwe.”
Naa “lulayo.”
Mu Chihebrayo, “nobayumu myoyo.”