Intembauzyo 97:1-12

  • Jehova ulisumpukide kapati kwiinda baleza bambi

    • “Jehova waba Mwami!” (1)

    • Amuyande Jehova, amusulaike bubi (10)

    • Mumuni wabamwekela balulami (11)

97  Jehova waba Mwami!+ Inyika aisekelele.+ Insumbu zinji azikondwe.+   Makumbi amudima uusiya mbi zilimuzingulukide koonse-koonse;+Bululami alubeta luluzi nentalisyo yacuuno cakwe cabwami.+   Kulinguwe kuzwa mulilo+Ooyo uubaumpa cakumaninina basinkondonyina kumabazu oonse.+   Indabo zyakwe zimunika cisi;Inyika ilabona akukankama.+   Malundu alanyenguluka mbubonya mbuli bunzuka kumbele lya Jehova,+Inzya kumbele lya Mwami wanyika yoonse.   Majulu aambilizya bululami bwakwe,Alimwi bantu boonse babona bulemu bwakwe.+   Boonse aabo ibabelekela cikozyanyo cili coonse cibezedwe abausyigwe nsoni,+Aabo balidunda akaambo kabaleza babo babuyo.+ Amumukotamine,* nywebo nobaleza nyoonse.+   Ziyoni ulamvwa alimwi ulasekelela;+Minzi* ya Juda ilikkomeneAkaambo kambeta zyako, O Jehova.+   Nkaambo yebo, O Jehova, ndonduwe Mupatikampatila atala aanyika yoonse;Ulisumpukide kapati kwiinda baleza boonse.+ 10  Nywebo nomuyandisya Jehova, amusulaike bubi.+ Walo ulalinda buumi bwabantu bakwe basyomeka;+Ulabavwuna kuzwa mumaanza aababi.+ 11  Mumuni wabamwekela baluleme+Akwalo kukondwa kwabasikila aabo baluleme mumoyo. 12  Amukondwe muli Jehova, nywebo nobalulami,Alimwi amulumbaizye zina* lyakwe lisalala.

Bupanduluzi buyungizyidwe

Naa “Amumukombe.”
Mu Chihebrayo, “Bana basimbi.”
Mu Chihebrayo, “ciibalusyo.”