Intembauzyo 68:1-35

  • ‘Basinkondonyina Leza abamwaikizyanye’

    • “Usyi wabamucaala” (5)

    • Leza ubapa ŋanda bantu balendeledwe (6)

    • Bamakaintu baambilizya makani mabotu (11)

    • Zipego muciimo cabantu (18)

    • ‘Jehova ulatunyamwida mikuli yesu buzuba abuzuba’ (19)

Kumweendelezi wanyimbo. Intembauzyo ya Davida. Lwiimbo. 68  Aanyamuke Leza, basinkondonyina abamwaikizyanye,Alimwi aabo bamusulide abatije kumbele lyakwe.+   Mbubonya muwo mboutola busi, kobatanda;Mbubonya bunzuka mbobunyenguluka kumulilo,Abalo babi abalobe kumbele lya Leza.+   Pele baluleme abasekelele;+Abakkomane kapati kumbele lya Leza;Abasotauke cakukondwa.   Amumwiimbile Leza; amwiimbe nyimbo zyakutembaula zina lyakwe.+ Amumwiimbile ooyo wiinda muzibanda* zili mucimpayuma. Ja* ndezina lyakwe!+ Amusekelele kumbele lyakwe!   Usyi wabamucaala alimwi mukwabilizi* wabamukabafwu+Ngu Leza ooyo uuli mubusena bwakwe busalala.+   Leza upa kuti aabo bali balikke bakkale muŋanda;+Waangununa baange akubapa kuti bazwidilile kapati.+ Pele basinkazi* bayookkala munyika yacimpayuma.+   O Leza nookasolweda bantu bako,+Nookainda mucimpayuma, (Sela)   Inyika yakazungaana;+Ijulu lyakapoomona* mvwula akaambo ka Leza;Eeci cilundu ca Sinai cakazungaana akaambo ka Leza, Leza wa Israyeli.+   Yebo wakapa kuti mvwula iwe kapati, O Leza;Wakabukulusya nguzu zyabantu* bako ibakakatede kapati. 10  Bakali kukkala munkambi yako yamatente;+Mububotu bwako wakaabila bacete, O Leza. 11  Jehova walailila;Bamakaintu baambilizya makani mabotu ninkamu mpati.+ 12  Bami bampi zyabasikalumamba balatija,+ inzya balatija! Mukaintu uusyeede kuŋanda waabilwa zintu zisaalwa.+ 13  Nokuba kuti nywebo nobaalumi mwakali kulala akati kamililo yankambi,*Muyooba mbuli nziba iijisi mababa aajisi nsiliva atala,Amapepe aangolida mbotu. 14  Singuzuzyoonse naakamwaya bami bamunyika,+Kwakaloka caanda mu Zalimoni.* 15  Cilundu ca Basani+ ncilundu ca Leza;*Cilundu ca Basani ncilundu cijisi nsonje zinji. 16  Ino nkaambo nzi nywebo nozilundu zijisi nsonje zinji ncomucilanga camunyono,Cilundu eeco Leza ncaasala* kuti cibe makkalilo aakwe?+ Ncobeni Jehova unookkala aalincico lyoonse mane kukabe kutamani.+ 17  Inkalaki zya Leza zyankondo zibalilwa kumakumi-makumi aazyuulu, inzya kuzyuulu zyazyuulu.+ Jehova wazwa ku Sinai akunjila mubusena busalala.+ 18  Yebo wakatanta kujulu;+Wakabwezelezya baange;Wakabweza zipego muciimo cabantu,+Inzya, nobaba basinkazi+ kuti ukkale akati kabo, O Ja, O Leza. 19  Aatembaulwe Jehova ooyo uutunyamwida mikuli yesu buzuba abuzuba,+Leza mwini-mwini walufwutuko lwesu. (Sela) 20  Leza mwini-mwini ngo Leza uutufwutula;+Alimwi Mwami Singuzuzyoonse Jehova ngonguwe uuvwuna bantu kulufwu.+ 21  Masimpe, Leza uyoopwayaula mitwe yabasinkondonyina,Akatwikkilo kajisi masusu kamuntu uuli woonse uuzumanana* kucita cibi.+ 22  Jehova waamba kuti: “Ndiyoobapilusya kuzwa ku Basani;+Ndiyoobapilusya kuzwa kunsi kwini kwalwizi, 23  Kutegwa maulu aako akalyatauke mubulowa+Akuti milaka yababwa bako ikajane caabilo kuli basinkondonyoko.” 24  Balizibwene nkamu zyako izizwa mukuzunda, O Leza,Inkamu zya Leza wangu, Mwami wangu, izizwa mukuzunda kazyeenda kunjila mubusena busalala.+ 25  Basikwiimba baleenda kumbele, munsi lyabo kuli basikulizya tuntimbwa;+Mpoonya akati kuli basimbi balizya nsakalala.+ 26  Mumakamu-makamu aabungene amumutembaule Leza;Amumutembaule Jehova, nywebo nomuzwa ku Cisiko ca Israyeli.+ 27  Ngooyo Benjamini,+ muniini kwiinda boonse, ulabeendelezya,Abasilutwe ba Juda antoomwe ankamu yabo iiyobeka,Basilutwe ba Zebuloni, basilutwe ba Nafutali. 28  Leza wako walailila kuti yebo ulapegwa nguzu. Kotondezya nguzu zyako, O Leza, yebo ooli kutugwasya.+ 29  Akaambo katempele lyako lili ku Jerusalemu,+Bami bayookuletela zipego.+ 30  Kobanyemena banyama bakkala mumatete,Itanga lyabapoho+ antoomwe aboombe babo,Kusikila bantu bakakotame nobaleta* nsiliva. Pele kobamwaya bantu ibayandisya nkondo. 31  Zintu zyamukuba uuvweledwe lubulo lumbi ziyooletwa* kuzwa ku Egepita;+Kusi uyoofwambaana kupa Leza zipego. 32  Nywebo nomami aamunyika, amwiimbile Leza,+Amwiimbe nyimbo zyakutembaula Jehova, (Sela) 33  Ooyo weenda katantide ajulu lyamajulu lyakaindi.+ Amumvwe! Ulazuma ajwi lyakwe, ijwi lyakwe lyanguzu. 34  Amulemeke Leza akaambo kanguzu zyakwe.+ Bupati bwakwe buli kuli Israyeli,Alimwi nguzu zyakwe zili mumulengalenga.* 35  Leza ulayoosya mucikombelo cakwe* cipati.+ Ngo Leza wa Israyeli,Uupa nguzu akuyumya bantu.+ Aatembaulwe Leza.

Bupanduluzi buyungizyidwe

Naa ambweni, “kali atala lyamakumbi.”
“Ja” nkufwiinsyigwa kwazina lyakuti Jehova.
Mu Chihebrayo, “mubetesi.”
Naa “bazangi.”
Mu Chihebrayo, “lyakalosya.”
Mu Chihebrayo, “lukono.”
Naa ambweni, “akati kazyaanda zyambelele.”
Naa “Cakali mbuli kuti kwaloka caanda mu Zalimoni.”
Naa “ncilundu cipati.”
Naa “ncayanda.”
Naa “weendeenda.”
Naa ambweni, “nobalyatauka.”
Naa ambweni, “Baiminizi bayooboola.”
Mu Chihebrayo, “mumakumbi.”
Mu Chihebrayo, “cako.”