Intembauzyo 27:1-14

  • Jehova mampangala aabuumi bwangu

    • Kubotelwa kweebelela tempele lya Leza (4)

    • Jehova ulalanganya nokuba kuti bazyali tiibacita oobo (10)

    • “Kolangila Jehova” (14)

Intembauzyo ya Davida. 27  Jehova mumuni wangu+ alimwi ndufwutuko lwangu. Ino nguni ngondikonzya kuyoowa?+ Jehova mampangala aabuumi bwangu.+ Ino nguni ngondikonzya kuyoowa kapati?   Basimucita zibi nobakaboola kuti balye nyama yamubili wangu,+Balwani bangu alimwi basinkondoma mbabakalebwa akuwa.   Nokuba kuti impi yabasikalumamba yabamba nkambi kuti indilwane,Moyo wangu tuukooyoowa pe.+ Nokuba kuti babusya nkondo kulindime,Ndilazumanana kuba sicamba.   Kuli cintu comwe ncindalomba kuli Jehova—Eeco ncencico ncendiyandisya—Kuti kandikkala muŋanda ya Jehova mazuba oonse aabuumi bwangu,+Kuti kandeebelela bubotu bwa JehovaAkubotelwa kweebelela* tempele* lyakwe.+   Nkaambo mubuzuba bwamapenzi walo uyoondisisa+ mubusena bwakwe bwakuyusila;Uyoondisisa mubusena busisikide bwatente lyakwe;+Uyoondikkwezyeka atala aandomba.+   Lino mutwe wangu wasumpulwa atala lyabasinkondoma ibandizingulukide;Ndiyoopaizya zipaizyo kutente lyakwe kumwi kandoongolola cakukondwa;Ndiyakwiimba nyimbo zyakutembaula Jehova.   Kondiswiilila, O Jehova, nendikwiila;+Kondifwida luzyalo akundivwiila.+   Ikujatikizya nduwe, moyo wangu waamba kuti: “Amusole kuyandaula busyu bwangu.” O Jehova, ndilasola kuyandaula busyu bwako.+   Utandisisi busyu bwako.+ Utatandi mubelesi wako cabukali. Yebo uli mugwasyi wangu;+Utandilekelezyi nokuba kundisiya, O Leza walufwutuko lwangu. 10  Nokuba kuti bamaama abataata ibandizyala bandilekelezya,+Jehova lwakwe inga wandibamba.+ 11  Kondiyiisya nzila yako, O Jehova,+Kondeenzya munzila yabululami akaambo kabalwani bangu. 12  Utandaabi mumaanza aabasinkondoma,*+Nkaambo bakamboni bakubeja bandibukila,+Alimwi bayanda kundilwana. 13  Ino nindali kuli ikuti nindatalijisi lusyomoLwakuti ndiyoobubona bubotu bwa Jehova munyika yabaumi?*+ 14  Kolangila Jehova;+Koba sicamba alimwi moyo wako aube anguzu.+ Inzya, komulangila Jehova.

Bupanduluzi buyungizyidwe

Naa “Akulilangisisya.”
Naa “cikombelo.”
Naa “mumakanze aabasinkondoma.”
Naa ambweni, “Masimpe ndilaalusyomo lwakuti ndiyoobubona bubotu bwa Jehova munyika yabaumi.”