Intembauzyo 11:1-7

  • Kuyuba muli Jehova

    • “Jehova uli mutempele lyakwe lisalala” (4)

    • Leza ulimusulide kufwumbwa muntu uuyanda nkondo (5)

Kumweendelezi wanyimbo. Intembauzyo ya Davida. 11  Ndayuba muli Jehova.+ Aboobo ino inga mwandaambila buti kuti: “Tijila kucilundu cako mbuli kayuni!   Bona basizibi mboboongomeka buta;Babikka muvwi wabo kuntambo yabuta,Kutegwa mumudima bayase bantu baluleme mumoyo.   Eelyo ntalisyo* nozinyonyoonwa,Ino muntu uululeme inga wacita nzi?”   Jehova uli mutempele lyakwe lisalala.+ Cuuno cabwami ca Jehova cili kujulu.+ Meso aakwe alabona, meso aakwe aalangisya alalingula bana babantu.+   Jehova ulalingula muntu uululeme amubi;+Kufwumbwa muntu uuyanda nkondo ulimusulide.+   Basizibi uyoobalosyela tukole;*Mulilo asulufa+ alimwi amuwo uupya uyooba caabilo cankapu yabo.   Nkaambo Jehova uliluleme;+ uyandisya milimo iiluleme.+ Baluleme bayoobubona busyu bwakwe.*+

Bupanduluzi buyungizyidwe

Naa “ntalisyo zyabululami.”
Naa ambweni, “makala aamulilo.”
Naa “bayookkomaninwa anguwe.”