Baefeso 2:1-22

  • Kupegwa buumi antoomwe a Kristo (1-10)

  • Bwaanda ibwaandaanya bwamwaigwa (11-22)

2  Kunze lyaboobo, Leza wakamupa buumi nokuba kuti mwakalifwide mumilandu amuzibi zyanu,+  oomo momwakali kweenda aciindi cimwi kweelana abweende bwazintu* bwanyika eeyi,+ kweelana amuleli uujisi bweendelezi bwamuwo,+ nkokuti imuuya+ ooyo lino uubeleka mubana batamvwi.  Inzya, akati kabo cimwi ciindi toonse twakali kulilemeka kweelana azisusi zyanyama yesu,+ twakali kucita ziyanda mubili amizeezo yesu,+ alimwi twakazyalwa katuli bana babukali+ mbubonya mbuli bamwi boonse.  Pele mbokunga Leza ulaaluse kapati,+ akaambo kaluyando lwakwe lupati ndwajisi kulindiswe,+  wakatupa buumi antoomwe a Kristo, noliba leelyo notwakafwide mumilandu+—nkaambo mubwini mwafwutulwa aluzyalo lwa Leza.  Kunze lyaboobo, wakatubusya antoomwe anguwe akutukkazika antoomwe anguwe mumasena aakujulu katukamantene a Kristo Jesu,+  kutegwa mubweende bwazintu bwiindene-indene ibuboola* Leza akatondezye luzyalo lwakwe luzwide zintu zibotu zitalivwulili kwiinda mukututondezya lubomba lwakwe swebo notukamantene a Kristo Jesu.  Ikwiinda muluzyalo lwa Leza oolu mwafwutulwa akaambo kalusyomo,+ alimwi eeci tiimwakalicitila buya nobeni pe; pele, ncipego buyo ca Leza.  Peepe, eeci tacili akaambo kamilimo pe,+ ikutegwa kutabi muntu uukonzya kuba akaambo kakulidunda. 10  Tuli milimo ya Leza alimwi twakalengwa+ katukamantene a Kristo Jesu+ kutegwa tucite milimo mibotu, eeyo Leza njaakasalila limwi kuti katweenda mulinjiyo. 11  Aboobo kamuyeeya kuti kuciindi cimwi nywebo, nobantu bamasi kumubili, ndendinywe nomwakali kwiitwa kuti “batapalwidwe” abaabo “bapalwidwe” kumubili amaanza abantu. 12  Kuciindi eeco mwakanyina Kristo, mwakalizandukide kucisi ca Israyeli, alimwi mbwaanga mwakali beenzu, mwakanyina lubazu muzizuminano zyacisyomezyo;+ mwakanyina bulangizi alimwi mwakanyina Leza munyika eeyi.+ 13  Pele lino mukukamantana a Kristo Jesu, nywebo musyule oomu nomwakali kule a Leza, mwaba afwaafwi anguwe kwiinda mubulowa bwa Kristo. 14  Nkaambo walo ndoluumuno lwesu,+ ooyo wakaswaanganya nkamu zyobilo kuba yomwe+ akumwaya bwaanda bwakali akati oobo ibwakali kubaandaanya.+ 15  Amubili wakwe wakamanizya businkondo bwakaliko, nkokuti Mulawo uujisi milawo amalailile, ikutegwa aswaanganye nkamu zyobilo ikuba muntu mupya omwe+ uukamantene anguwe akuleta luumuno, 16  akuti ayanzanye bantu aabo bobilo cakumaninina mumubili omwe kuli Leza kwiinda mucisamu cakupenzyezya,*+ nkaambo amubili wakwe wakabujaila limwi businkondo+ boonse bwakaliko. 17  Alimwi wakaboola akwaambilizya makani mabotu aaluumuno kulindinywe nomwakali kule a Leza, alimwi aluumuno kuli baabo balaafwaafwi anguwe, 18  nkaambo kwiinda mulinguwe swebo, tobantu bankamu zyoonse zyobilo, tulaangulukide kusika kuli Taata kwiinda mumuuya omwe. 19  Aboobo tamucili beenzu alimwi abamuzwakule,+ pele muli basicisinyina+ abasalali alimwi muli baŋanda ya Leza,+ 20  alimwi mwakayakwa antalisyo yabaapostolo abasinsimi,+ kakuli walo Kristo Jesu kumugama ndebbwe lyantalisyo lyakukkona.+ 21  Mukukamantana anguwe, mbwaanga zibeela zyaŋanda zyoonse ziliswaanganizyidwe kabotu-kabotu,+ ŋanda eeyo yoonse iyaabukomena kuba tempele lisalala lya Jehova.*+ 22  Mukukamantana anguwe, anywebo mulayakwa antoomwe kuti mube busena mwakkala Leza kwiinda mumuuya.+

Bupanduluzi buyungizyidwe

Naa “abukkale.”
Naa “kuciindi ciboola.” Amubone Bupanduluzi Bwamabala.