Inzya. Kufwumbwa nkobakkala boonse Bakamboni ba Jehova balasola kuba amuuya wabumisyinali, kutola lubazu lyoonse mukwaambila bantu zyalusyomo lwabo.​—Matayo 28:​19, 20.

Kuyungizya waawo, Bakamboni bamwi balaswaya naa kulongela kumasena aambi mucisi mobakkala kwalo kuli bantu banji ibayandika kumvwa makani mabotu aamu Bbaibbele. Bamwi Bakamboni balongela kuzisi zimbi kutegwa bayungizye mulimo wabo wakukambauka. Balikkomene kutola lubazu mukuzuzikizya businsimi mbwaakapa Jesu bwakuti: “Muyooba bakamboni bangu . . . kusikila kumagolelo aanyika.”​—Milimo 1:⁠8.

Mu 1943, twakatalisya cikolo cakuyiisya bamisyinali besu bamwi lwiiyo lulibedelede. Kuzwa ciindi eeco, Bakamboni bainda ku 8,000 bakanjila kale cikolo eeci, iciitwa kuti Watchtower Bible School of Gilead.