Nsandulo iizwa muBbayibbili

 Iiyi, nkaambo Leza uyanda kuti bantu babunganaamwi kabali kumukomba. Bbayibbili lyaamba kuti: “Atuyeeyane, kuchitila kuti tusungwaazyanie kuba aaluyando akuchita milimu mibotu, tutaleki pe kubunganaamwi.”—Mahebberu 10:24, 25, makani aamunsi.

 Jesu wakatondeezya kuti batobeli bakwe bakali kuzooba kabunga kabambikene chiindi naakababuzya kuti: “Bantu boonse bazooziba kuti muli basikwiiya bangu, kuti kamuli aaluyando aakati kanu.” (Johane 13:35) Basikwiiya baKkristu bakeelede kubunganaamwi kuti batondeezyanie luyando oolu. Bakeelede kubungana mumbungano chiindi choonse kuti bakombe Leza. (1 Bakkorinte 16:19) Mbungano zyoonse eezi zyakali kuzooba mbunga iimwi iijisini munyika yoonse.—1 Petro 2:17.

Kuli zyiingi ziyandikana kutali kuba aachikombelo kupela

 Nikuba kuti Bbayibbili lyaamba kuti bantu beelede kubungana kuti bakombe Leza, pesi litondeezya kuti kuba aachikombelo teenkuko pe kupa kuti muntu abotezye Leza. Kuti muntu atambulike kuli Leza, chikombelo nchanjila cheelede kuti kachichita zintu kweendelana amilawu yaLeza. Muchikozyano, Bbayibbili lyaamba kuti: “Bukombi busalala alubo butakwe doti mumeso aaLeza wesu Taata, mboobu: kugwasya bamuchaala abamukabafu mumapenzi aabo akukkala katutakwe kabata kazwa munyika.”—Jakkobo 1:27.