Skip to content

Skip to table of contents

 CHIPAANZI 3

Ino Bwakali Biyeni Buumi muParadaiso?

Ino Bwakali Biyeni Buumi muParadaiso?

Jehova wakapa Adamu aEva zintu ziingi zibotu. Matalikilo 1:28

Jehova wakabumba Eva mwanakazi wakusanguna, akupa Adamu kuti abe mwanakazi wakwe.—Matalikilo 2:21, 22.

Jehova wakabalenga kabala mizeezo amibili imaninide, itakwe kampenda.

Muunzi wabo waParadaiso wakali muunda waEdeni. Bwakali busena bweebeka loko, oomo mwakali mulonga amisamu yamicelo alimwi abanyama.

Jehova wakabayiisya kwiinda mukwambulaabo. Ansinga bakamuswiilila niinga bakapona akutamani muParadaiso anyika.

 Kwakali musamu omwe Leza ngwakabakasya kulya micelo yawo. Matalikilo 2:16, 17

Umwi wabangelo wakapapila Leza. Ooyo mungelo mubi nguSaatani Diabolosi.

Jehova wakatondezya Adamu aEva musamu omwe wamicelo wakali mumuunda. Wakabaambila kuti tabeelede kuulya, nkaambo kuti bawulya balafwa.

Saatani takayanda pe kuti Adamu aEva baswiilile Jehova. Aboobo, wakabelesya nzoka kwaambila Eva kuti alya mucelo wamusamu ooyo takalikunofwa pe, pesi wakali kuzooba mbuli Leza. Ooko kwakali kubeja.Matalikilo 3:1-5.