Skip to content

Skip to table of contents

 CHAANDAANO 13

Mapobwe Oonse Alatambulika Na Kuli Leza?

Mapobwe Oonse Alatambulika Na Kuli Leza?

‘Amusaangune kuziba zintu zibotezya Mwaami.’—BAEFESO 5:10.

1. Niinzi nzitweelede kuchita kuti bukombi bwesu butambulike kuli Jehova alubo nkamboonzi?

JESU wakati: ‘Bakombi bakasimpe bayookomba Taata mumuuya amubwini, nkaambo mbambabo mbayanda Taata.’ (Johane 4:23; 6:44) Toonse tweelede ‘kusaanguna kuziba zintu zibotezya Mwaami.’ (BaEfeso 5:10) Kuchita oobo teekuuba pe. Saatani uyanda kutweena kuti tuleke kuchita zintu ziyandwa aJehova.—Ciyubunuzyo 12:9.

2. Pandulula zyakachitika afwiifwi aChilundu chaSinayi.

2 Nziizili nzila Saatani nzyabelesya kutweena? Imwi nzila njabelesya nkupa kuti tukachilwe kusiyanisya chibotu achibi. Atulange-lange zyakachitika kumaIsrayeli nibakali afwiifwi aChilundu chaSinayi. Musa wakali waya kuchilundu alubo bantu bakali kumulindila. Bakabonaanga Musa wakali kunonoka kuboola nkinkaako bakabuzya Aroni kuti abapangile chintu chitabe leza wabo. Aroni wakabumba ng’ombe yangolida. Mpawo bantu bakachita pobwe. Bakali kuzyana kabazyunguluka ng’ombe yangolida akwiikotamina. Bakali kubonaanga kukomba ng’ombe eeyi kwakali kozyenie akukomba Jehova. Pobwe eeli teelyakali kutambulika pe kuli Jehova nikuba kuti bantu bakalyaamba kuti lyakali “pobwe lya-Jehova.” Nzibakachita Jehova wakazibona  kuti nkukomba mituni alubo zyakapa kuti biingi bafwe. (Kulonga 32:1-6, 10, 28) Twiiyaanzi kumakani aaya? Tatweelede kuzumina kweenwa. Bbayibbele lyaamba kuti “mutaampi cintu niciba cimwi cisofweede,” nkinkaako tweelede kuzumina kuyiisigwa aJehova kuti tukonzye kusiyanisya chibotu achibi.—Isaya 52:11; Ezekiele 44:23; BaGalatiya 5:9.

3, 4. Nkamboonzi nikuyandikana kuti tuzibe mbaakatalika mapobwe azibinkene mazubaano?

3 Jesu naakachili anyika, wakayiisya basikwiiya bakwe mbubeelede kutobelezya bukombi bwakasimpe. Jesu naakabweeda kujulu, basikwiiya bakwe bakiinkilila kunembo kuyiisya bamwi atala abukombi bwakasimpe. Pesi nibakafwa baapostolo, bayiisi bakubeja bakatalika kuyiisya njiisyo zyakubeja akutobelezya ziyanza zyabantu batakombi Leza wakasimpe. Alubo ziyanza eezi bakazipa mazina mapya kuti zitambulike kumaKristu. (2 BaTesalonika 2: 7, 10; 2 Johane 6, 7) Mazubaano, mapobwe aayo alizibinkene alubo asumpula bukombi bwakubeja achidimoni. *Ciyubunuzyo 18:2-4, 23.

4 Mazubaano, bantu biingi baabona kayandikana mapobwe. Pesi mbuyabwiiya atala aJehova mbazibona zintu, kuyookugwasya kuti utaliswaanizyi kuli amwi mapobwe. Kuchita oobo teekuuba pe pesi Jehova uyookugwasya. Atulange-lange atala mbaakatalika mapobwe aazibinkene alubo kuchita oobo kuyootugwasya kuziba kuti Jehova uwabona biyeni.

 KKISIMUSI YAKATALIKA BIYENI?

5. Niinzi chitondeezya kuti Jesu taakazyalwa mu25 December?

5 Mumasena miingi, pobwe lyaKkisimusi lichitwa mu25 December alubo bantu biingi bayeeya kuti mbubo buzuba Jesu mbaakazyalwa. Bbayibbele talyaambi mweezi naakuti buzuba Jesu mbaakazyalwa pesi litondeezya kuti wakazyalwa muchiindi chilibiyeni. Lukka wakalemba kuti chiindi Jesu naakazyalwa kuBbetelehemu, “basikweembela . . . bakali musokwe,” kabeembela butanga bwabo. (Luka 2:8-11) MuDecember kuBbetelehemu kulatontola, mvula ilawa alubo ngakwaba chaanda nkinkaako tazichiti pe kuti beembezi kabakkala musokwe chiindi eecho. Makani aaya atuyiisyaanzi? Jesu wakazyalwa chiindi nikwakali kukasaala kutali muDecember. Makani aamuBbayibbele amakani achiindi atondeezya kuti kulakonzeka kuti Jesu wakazyalwa muSeptember naakuti muOctober.

6, 7. (a) Ziyanza zyaKkisimusi zyakatalika biyeni? (b) Niinzi chipa kuti tuyande kupa bamwi zipo?

6 Pobwe lyaKkisimusi lyakatalika biyeni? Lyakazwa kumapobwe aabantu batakombi Leza wakasimpe mbuuli pobwe litegwa Saturnalia lyakali kuchitwa abantu bakuRoma bakali kupobweda leza wabo wakulima utegwa Saturn. Bbuku litegwa The Encyclopedia Americana lyaamba kuti: “Bantu bakuRoma bakali kusekelela pobwe lyaSaturnalia muDecember alubo lyakali aziyanza zyiingi zichitwa muKkisimusi. Mupobwe eeli, bantu bakali kulya zinono, kupana zipo akuyasya makkandela.” Alubo mu25 December, bantu bakuPersiya bakali kusekelela pobwe lyakuzyalwa kwaleza wabo wazuba utegwa Mithra.

7 Pesi bantu basekelela pobwe lyaKkisimusi tababikkili  maanu atala ambulyakatalika. Bayandisya chiindi chaKkisimusi nkaambo mpubajana chiindi chakubaamwi, chakulyaamwi achakupana zipo abamumpuli zyabo. Toonse tulabayanda bamumpuli zyesu abeenzuma alubo Jehova uyanda kuti bakombi bakwe kabapana zipo. Lugwalo lwa2 BaKorinto 9:7 lwaamba kuti “oyu uupa calumwemwe nguuyandwa kwa-Leza.” Jehova uyanda kuti bakombi bakwe kabapana zipo chiindi choonse kutali lyamapobwe luzutu. Bakombi baJehova balakuyanda kupana zipo akukkalaamwi abeenzinyina abamumpuli  kufumbwa nibajana mweenya alubo tabalangilili kuti bapegwe zimwi zintu abalabo. Bapa bamwi zipo nkaambo balabayanda.—Luka 14:12-14, NW.

Kuziba mbaakatalika mapobwe amwi kuyoopa kuti tukonzye kwaatantamuka

8. Basikupandulula bweende bwanyenyeezi bakapa Jesu zipo mubuzuba mbaakazyalwa na? Pandulula.

8 Bantu biingi baamba kuti kupana zipo lyaKkisimusi kulikabotu nkaambo baalumi batatu basongo bakeetela Jesu zipo naakali muchilido chabanyama. Nisimpe kuti baalumi aabo bakamuswaya Jesu akumupa zipo. Chiindi, bantu balemekwa bakali kupegwa zipo. (1 Bami 10:1, 2, 10, 13) Pesi mwalizi na kuti Bbayibbele lyaamba kuti baalumi aabo bakali basikupandulula bweende bwanyenyeezi naakuti basondi akuti teebakali bakombi baJehova? Alubo nibakaswaya Jesu taakachili muchilido chabanyama pesi wakali kukkala kung’anda abazyali bakwe kakuli kwiinda chiindi kazyedwe.—Matayo 2:1, 2, 11.

BBAYIBBELE LIYIISYAANZI ATALA AMAZUBA AAKUZYALWA?

9. Mbaani bakasekelela mazuba aakuzyalwa baambidwe muBbayibbele?

9 Buzuba mbwazyalwa mwana bulabotezya. (Intembauzyo 127:3) Pesi eezi tazyaambi kuti tweelede kusekelela mazuba aakuzyalwa. Kuli mapobwe aabili luzutu aakusekelela buzuba bwakuzyalwa aambidwe muBbayibbele. Limwi lyakali lyaFaro wakuEgepita limwi lyakali lyaHerodi Antipa. (Bala Matalikilo 40:20-22; Marko 6:21-29.) Baami aaba teebakali kukomba Jehova. Alubo muBbayibbele taakwe nikwaambwa kuti bakombi baJehova bakali kwaasekelela mazuba aakuzyalwa.

10. MaKristu bakusaanguna bakali kukubona biyeni kusekelela mazuba aakuzyalwa?

10 Bbuku litegwa The World Book Encyclopedia lyaamba  kuti maKristu bakusaanguna “bakalizi kuti kusekelela buzuba bwakuzyalwa nchiyanza chabukombi bwakubeja.” Chiyanza eechi chakali kuchitwa abantu bakatali kukomba Leza wakasimpe. Muchikozyano, maGrikki bakali kusyoma kuti muntu umwi awumwi wakali amuuya uumukwabilila kuzwa mubuzuba naazyalwa. Alubo bakali kusyoma kuti muuya ooyo wakali kuzwa kuli leza wakazyalwa mubuzuba mbwaazyalwa muntu ooyo. Kuyungizya waawo, kusekelela mazuba aakuzyalwa kulaachakuchita akupandulula bweende bwanyenyeezi akusonda.

11. Jehova ukubona biyeni kupa bamwi zipo?

11 Bantu biingi bayeeya kuti buzuba mbubakazyalwa buyandikana loko zyakuti bantu beelede kubatondeezya kuti balabayanda. Pesi tulakonzya kutondeezya beenzuma abamumpuli kuti tulabayanda kufumbwa chiindi. Jehova uyanda kuti katupa bamwi zipo kufumbwa chiindi. (Bala Incito 20:35, NW.) Tatulumbi Leza mubuzuba mbutwakazyalwa luzutu pesi tulamulumba mazuba oonse nkaambo nguutupa buumi.—Intembauzyo 8:3, 4; 36:9.

MaKristu bakasimpe bapa bamwi zipo nkaambo balabayanda

12. Nkamboonzi buzuba bwakufwa nibuli bubotu kwiinda bwakuzyalwa?

12 Lugwalo lwaMukambausi 7:1 lwaamba kuti: “Izina ibotu ndibotu kwiinda muunde, abuzuba bwakufwa mbubotu kwiinda buzuba bwakuzyalwa.” Nkamboonzi buzuba bwakufwa nibuli bubotu kwiinda bwakuzyalwa? Nkaambo nituzyalwa ngataakwe nchitwakachita mubuumi. Pesi, kuti twasala kukomba Jehova akugwasya bamwi, tunooli tulikupa kuti tube ‘azina bbotu’ naakuti mpuwo mbotu alubo Jehova takatulubi pe nikuba kuti twafwa. (Jobu 14:14, 15) Bakombi baJehova tabasekeleli  mazuba aabo aakuzyalwa nikuba buzuba bwaJesu bwakuzyalwa. Jesu wakatulayilila kuti katuyeeya lufu lwakwe kutali buzuba bwakuzyalwa kwakwe.—Luka 22:17-20; BaHebrayo 1:3, 4.

MBUYAKATALIKA ISITA

13, 14. Pobwe lyaIsita lyakatalika biyeni?

13 Bantu biingi babonaanga Isita ndipobwe lyakusekelela kubusigwa kwaJesu. Pesi pobwe lyaIsita lyeendelana  apobwe lyakusekelela Eostre, leza wachanakazi wabuchedo awachilimu wakuEngland. Bbuku lipandulula mabala litegwa The Dictionary of Mythology lipandulula kuti mwanakazi ooyu nguleza wakuzyazya. Alubo zimwi ziyanza zichitwa mupobwe lyaIsita zitondeezya kuti bantu balazisyoma eezi. Muchikozyano, bbuku litegwa Encyclopædia Britannica lyaamba kuti, mayi “akali kwiiminina buumi bupya akubusigwa.” Kuzwa chiindi, bantu batakombi Leza wakasimpe bakali kusyoma kuti tusulwe twakali kwiiminina kuzyazya. Zili antanganana kuti pobwe lyaIsita teepobwe lyakusekelela kubusigwa kwaJesu.

14 Jehova umvwa biyeni nabona bantu kabali kuswaanizya kubusigwa kwaMwanaakwe aziyanza zyabukombi bwakubeja? Tabotelwi pe. (2 BaKorinto 6:17, 18) Alubo Jehova tatubuzyi kuti tusekelele buzuba mbaakabusigwa Jesu.

KUSEKELELA BUZUBA BWAMUNYAKA MUPYA

15. Kusekelela buzuba bwamunyaka mupya kwakatalika biyeni?

15 Nikuba kuti ziyanza zichitwa munyika zilisiyene, bantu biingi balabuchesya mu31 December ‘kabalinda munyaka mupya.’ Mubuzuba oobu, bantu balakolwa, bachita bwaamu, bapana zipo akupeekezya nzibayoochita mumunyaka uutobela. Nzibachita mubuzuba oobu zileendelana amapobwe aachitwa abantu batakombi Leza wakasimpe. Mubuzuba oobu, bantu bachita zintu zisiyene-siyene mbuuli kubbolosya mafireworks kuti batande madimoni. Bbuku lyamu1966 litegwa World Book Encyclopedia, Voliyumu 14, apeji 237 litii: “Buzuba bwakutalika bwamunyaka mupya  bwakali bwakulemeka Janus leza wabantu bakuRoma wamagedi amilyango awamatalikilo amamanino. Kuzwa mu487 A.D., basizikombelo bakasaanguna kubona kuti buzuba bwamunyaka mupya bulayandikana alubo bakati Ndipobwe Lyakusekelela Buzuba Bwakupalulwa. Pesi basizikombelo teebakali kwaasekelela mapobwe aaya nkaambo akali aziyanza zyabantu batakombi Leza wakasimpe. Mukuya kwachiindi mapobwe aaya akatalika kusekelelwa abantu biingi.” (Bbuku litegwa The 1966 World Book Encyclopedia, Voliyumu 14, peji 237.)

MICHADO IIBOTEZYA LEZA

16, 17. Nziizili zintu nzibeelede kubikkila maanu bantu bayanda kuchada?

16 Buzuba bwamuchado bulabotezya. Michado ichitwa munzila zisiyene kweendelana abusena. Bantu biingi tabazi kuti zimwi ziyanza zichitwa kumichado zyakazwa kubukombi bwakubeja. MaKristu bayanda kuchada beelede kubikkila maanu kuti bachite muchado uubotezya Jehova. Kuti baziba mbuzyakatalika ziyanza zichitwa kumichado, ziyoopa kuti muchado wabo ubotezye Leza.—Marko 10:6-9.

17 Zimwi ziyanza zichitwa kumichado kuyeeyelwa kuti zipa kuti bantu bayanda kuchada babe ‘achoolwe.’ (Isaya 65:11) Muchikozyano, kuli amwi masena bantu bamwaya rayisi kubantu baliikuchada. Basyoma kuti kuchita oobo kuyoobagwasya kuti babe abana, babotelwe, babe abuumi bulikabotu akukwabililwa kumyuuya mibi. Nikuba boobo, maKristu beelede kubikkila maanu kuti batachiti ziyanza ziswaanizya bukombi bwakubeja.—Bala 2 BaKorinto 6:14-18.

18. Ngaali malayilile aamuBbayibbele akonzya kugwasya bantu bayanda kuchada?

 18 Bantu bayanda kuchada nga bayanda kuti muchado wabo ubotezye bantu boonse. Beenzu basika kumuchado wamaKristu tabeelede kwaamba majwi aatali kabotu, aali atala amakani aakoonana naakuti aatalemeki baliikuchada abamwi. (Tusimpi 26:18, 19; Luka 6:31; 10:27) Michado iichitwa amaKristu tayeelede kutondeezya ‘kulidunda azintu nzibali aazyo.’ (1 Johane 2:16) Kuti kulikuyanda kuchada, weelede kuchita zintu ziyoopa kuti kubotelwa nuyeeya buzuba nwaakachada.—Langa Makani Aakumamanino 28.

KUNYAMPULA AKUGUMANIA NKOMESI ZYABUKANDE

19, 20. Chiyanza chakunyampula akugumania nkomesi chakatalika biyeni?

19 Chimwi chiyanza chichitwa kumichado akumapobwe nkuyampula akugumania nkomesi zyabukande. Bantu bachita oobu chiindi umwi naawamba zipeekezyo zibotu. MaKristu beelede kuchibona biyeni chiyanza eechi?

20 Bbuku litegwa International Handbook on Alcohol and Culture liti chiyanza eechi chakali kuchitwa abantu batakombi Leza wakasimpe bakali kutila “bukande aansi kuti balemeke baleza babo.” Alubo chakali kuchitwa “chiindi bamwi nibakali kwaamba nkombyo yakuti ‘woongole!’ naakuti ‘upone buumi bulikabotu!’” Alubo bantu bachiindi bakali kuchita oobo kabakumbila kulongezegwa abaleza babo. Nikuba boobo, kuchita oobo teeninzila iilikabotu yakukumbila zilongezyo kuli Jehova.—Johane 14:6; 16:23.

 “NYWEBO NOMUYANDISYA JEHOVA AMUSULE BUBI”

21. Ngaali mapobwe maKristu ngibeelede kutantamuka?

21 Kuti kuyanda kwiinka kuli limwi pobwe weelede kuyeeya michito yabantu banooli kupobwe eelyo. Muchikozyano, amwi mapobwe aswaanizya kuzyana munzila yakutalilemeka, kukolwa akuchita bwaamu. Alubo mapobwe aaya alakonzya kusungwaazya koonana kwabantu bali azizo zikozyenie naakuti kulisumpula akaambo kachisi nkubazwa. Kuti twaliswaanizya mumapobwe aali boobu, zilatondeezya na kuti tulikusula zintu Jehova nzyatayandi?—Intembauzyo 1:1, 2 NW; 97:10; 119:37.

22. Niinzi chiyoogwasya muKristu kuti ayinke kuli limwi pobwe?

22 MaKristu beelede kutantamuka mapobwe aatalemeki Leza. Mwaapostolo Pawulu wakalemba kuti: “Kufumbwa zintu nzimucita, nikuba kulya nikuba kunywa niciba cintu cimwi, amuzicite zyoonse cakuti kube bulemu kwa-Leza.” (1 BaKorinto 10:31; langa Makani Aakumamanino 29.) Eezi tazyaambi kuti mapobwe oonse asungwaazya kuchita bwaamu, bukombi bwakubeja naakuti kulisumpula akaambo kachisi nkuzwa. Tweelede kulisalila kuti tulayinka na kupobwe limwi kuti kalitakazyanyi amalayilile aamuBbayibbele. Alubo tweelede kubikkila maanu kuti tutachiti zintu zinyongania bamwi.

LEMEKA JEHOVA MUZINTU NZWAAMBUULA ANZUCHITA

23, 24. Kujana twabapandulwida biyeni bamumpuli batakombi Jehova chitupa kuti tutasekeleli amwi mapobwe?

23 Kulakonzeka kuti tuchiliswaanizyi mumapobwe aatalemeki Jehova. Nikuba boobo, bamwi mumpuli  batakombi Jehova balakonzya kuyeeya kuti tuchibayandi pe akuti tuchiyandi kuliswaanizya ambabo. Balakonzya kuyeeya kuti mazuba aakulyookezya nchichiindi chakubaamwi. Uyoochita biyeni? Ulakonzya kutondeezya kuti ulabayanda munzila zisiyene. (Tusimpi 11:25; Mukambausi 3:12, 13) Ulakonzya kubatamba kuti muzooyizyaamwi.

24 Kuti nzubo zyako zyayanda kuziba chipa kuti kutasekeleli amwi mapobwe, ulakonzya kuyanduula makani aagwasya mumabbuku eesu amujw.org. Utaambuuli munzila iipa kuti balimvwe kuti bakonwa naakuti kubasungilizya kuti basyome nzusyoma. Wamba munzila iitondeezya kuti ulaatwaambo tumvwika tukupa kuti usale kuchita oobo. Weelede kubatama alubo waambe ‘majwi aaluzyalo alweezedwe amunyo.’—BaKolose 4:6.

25, 26. Kujana bazyali babagwasya biyeni bana babo kuti batobelezye zintu ziyandwa aJehova?

25 Toonse tweelede kumvwisisisya twaambo tutupa kutaliswaanizya kuli amwi mapobwe. (BaHebrayo 5:14) Tuyanda kuchita zintu zibotezya Jehova. Bazyali beelede kugwasya bana babo kuti bamvwisisisye nzilyaamba Bbayibbele akuzitobelezya. Kuti bamuziba Jehova, bayoosala kuchita zintu zimubotezya.—Isaya 48:17, 18; 1 Petro 3:15.

26 Jehova ulabotelwa nabona katubeleka changuzu kuti tumukombe munzila njayanda. (Johane 4:23) Bantu biingi bayeeya kuti tazichiti pe kukkala kusyomeka munyika eeyi iizwide bantu batasyomeki. Nichoonzyo na? Tuyooyiya atala amakani aaya muchaandaano chitobela.

^ par 3 Tulakonzya kujana makani miingi aali atala amapobwe aaya muWatch Tower Publications Index, Research Guide for Jehovah’s Witnesses amujw.org.