Skip to content

Skip to table of contents

Makani Aantalisyo Achipaanzi 7

Makani Aantalisyo Achipaanzi 7

Chipaanzi eechi chaambuula atala azintu zyakachitika mubuumi bwaMwaami Sawulu abwaMwaami Davida, muminyaka iili 80. Kumatalikilo Sawulu wakali kulibombya alimwi kachita ziyandwa aLeza, pesi wakalisumpula akuleka kuswiilila Jehova. Jehova wakamukaka Sawulu kuti abe mwaami alimwi mukuya kwachiindi, Jehova wakabuzya Samuyele kuti akananike Davida kuti abe mwaami wamaIsrayeli mubusena bwaSawulu. Akaambo kamunyono, Sawulu wakali kuyanduula nzila zyakujaya Davida, pesi Davida taakabweedezya chibi pe. Mwana waSawulu, Jonatani wakasyomeka kuli Davida nkaambo wakalizi kuti Jehova wakasala Davida. Nikuba kuti Davida wakachita zibi zipati, pesi wakazumina  kulayigwa aJehova. Kuti kuli muzyali, gwasya mwanaako abone mbokuyandikana kuswiilila Jehova akulibombya kubantu mbabelesya kuti batuzulwide.

MUCHIPAANZI EECHI

Mwaami WamaIsrayeli Wakusaanguna

Leza wakasala babetesi bakali kuzulwida maIsrayeli pesi bakazooyanda kuba amwaami. Samiyele wakananika Sawulu kuti abe Mwaami wakusaanguna wamaIsrayeli, pesi Jehova wakazoomukaka Sawulu. Nkamboonzi?

Davida aGoliyati

Jehova wakasala Davida kuti azoobe mwaami wachisi chamaIsrayeli, alimwi Davida wakatondeezya kuti uleelela kuba mwaami.

Davida aSawulu

Nkamboonzi umwi mwaalumi naakali kusulayika muntunyina? Pesi ooyo wakali kusulayikwa wakachita biyeni?

Jonatani Taakali Kuyoowa Alimwi Wakali Kusyomeka

Mwana waMwaami wakali mweenzinyina waDavida.

Kubisya kwaMwaami Davida

Kutasala kabotu kwakeeta mapenzi miingi.