Skip to content

Skip to table of contents

 CHIIYO 96

Jesu Wakasala Sawulu

Jesu Wakasala Sawulu

Sawulu wakali kuzwa kuRoma alimwi wakazyalilwa kuTarso. Wakali muFarsi wakazi Mulawu wamaJuda alimwi wakali kubazonda maKristu. Wakali kusunga maKristu baalumi abanakazi kababikka muntolongo. Alubo wakayimvwi kumbali kalikulangilizya bantu basilunya bakajaya Stefani kwiinda mukumutulula mabwe.

Sawulu wakali kuyanda kusunga maKristu bakali kukkala kuli amwi masena kutali muJerusalemu luzutu. Nkinkaako, wakakumbila mupayizi mupati kuti amuzumizye kwiinka kuDamaskko kuti akayanduule maKristu. Naakasika afwiifwi amuunzi, wakamunikilwa amumuni mupati mpawo wakawida ansi. Wakamvwa jwi kaliti: ‘Sawulu, undipenzezyaanzi?’ Sawulu wakabuzya kuti: ‘Nduweni?’ Mpawo jwi lyakati: ‘Ndime Jesu. Yinka kuDamaskko alimwi uyoobuzigwa zyakuchita nkukooko.’ Kuzwa waawo, Saulu wakaba moofu alimwi wakajatilwa kuboko kuti akasike kuDamaskko.

KuDamaskko, kwakali muKristu wakali kusyomeka utegwa Ananiya. Jesu wakaambula aAnaniya muchilengano kati: ‘Yinka kung’anda yaJuda kunzila iitegwa Iimvwi Nji ukayanduule Pawulu.’ Ananiya wakati: ‘Mwaami, ndimuzi muntu ooyo mbabede! Ulikubikka basikwiiya bako muntolongo!’ Pesi Jesu wakati: ‘Yinka kulinguwe. Ndasala Sawulu kuti akambawuke makani mabotu kuzisi zisiyene-siyene.’

Ananiya wakati kuli Sawulu: ‘Sawulu mukwesu, Jesu wandituma kuti nzookujule meso.’ Mpawo meso aSawulu akajulika. Wakiiya atala aJesu mpawo wakaba sikwiiya wakwe. Naakabbabbatizigwa, Sawulu wakasanguna kukambawuka muzikombelo kalaamwi amaKristunyina. Ubonaanga maJuda bakamvwa biyeni nibakabona Sawulu kalikuyiisya  atala aJesu? Bakagamba alubo bakati: ‘Ooyu teenguwe na muntu wakali kuyanduula basikwiiya baJesu?’

Sawulu wakayiisya bantu bakuDamaskko kwaminyaka iitatu. MaJuda bakali kumuzonda Sawulu alimwi bakayanduula nzila zyakumujaya. Pesi bazyalwanyina nibakamvwa makani aaya, bakamugwasya kuti achije. Bakamubikka muchisuwo akumwiinzya abbanga lyamuduli, mpawo bakamuselusizya aanze amuunzi.

Sawulu naakasika muJerusalemu, wakayanda kuliswaanizya abazyalwanyina. Pesi bakachili kumuyoowa. Umwi sikwiiya siluzyalo utegwa Bbarnabba, wakatola Sawulu kubaapostolo akubapandulwida kuti Sawulu wakali wachincha choonzyo. Sawulu wakasanguna kukambawuka makani mabotu chabusungu ambungano yakuJerusalemu. Mpawo wakazooba Pawulu.

“Kristo Jesu waboola ansi ano kuzoofutula bacitazibi. Lino mebo ndi sizibi kwiinda boonse.”—1 Timoteo 1:15