Skip to content

Skip to table of contents

 CHIIYO 82

Jesu Wakayiisya Basikwiiya Bakwe Kukomba

Jesu Wakayiisya Basikwiiya Bakwe Kukomba

Zintu zyoonse baFarisi nzibakali kuchita bakali kuchitila kuti babotezye bantu. Nibakali kuchita chimwi chintu chibotu, bakali kuchitila kuti babonwe abantu. Bakali kukombela mumabuwa kuti bantu bababone. BaFarisi bakali kuzijata amutwe nkombyo ndamfu alubo bakali kuzyiindulula kuzikombelo ampuyiswaangana migwagwa kuchitila kuti bantu babamvwe. Bantu bakagamba nibakamvwa Jesu naakati: ‘Mutanookombi mbuli baFarisi. Nkaambo babonaanga Leza ulabaswiilila nibaamba makani miingi pesi teembukubede. Chiindi nukomba ngamuli babili aJehova. Mutanooyindululi nzimwaamba kale. Jehova uyanda kuti mumubuzye zintu zili mumyoyo yanu.

 ‘Mbuboobu mbumweelede kukomba: “Taateesu ooli kujulu, alilemekwe izina lyako, abuze Bwami bwako alucitwe luyando lwako ansi ano mbubonya mbuli kujulu.”’ Alubo, Jesu wakabuzya bantu kuti bakombele kuti bajane chakulya chabuzuba, balekelelwe zibi zyabo azimwi zintu.

Jesu wakati: ‘Mutaleki kukomba. Amukumbile zintu zibotu kuli Ndeende wenu Jehova. Bazyali balayanda kupa bana babo zintu zibotu. Ikuti mwanaako wakumbila nsima ulamupa bbwe na? Ikuti wakumbila muswi ulamupa nzoka na?’

Jesu wakapandulula nzitukonzya kwiiya kuchikozyano eechi naakati: ‘Lino mbuli mbumuzi kupa bana banu zintu zibotu, alakwe Usowanu Jehova takoomupa muuya uusalala na? Mweelede kumubuzya nzimuyanda.’ Ulaatobelezya na malayilile aJesu? Nziizili zintu nzweelede kukombela?

“Amukumbile, mulapegwa. Amuyandaule, mulajana. Amukonkomone, mulajulilwa.”—Matayo 7:7