Leza uyanda kuti tupone muluumuno akubotelwa kutamani muparadayiso anyika!

Ulakonzya kugamba kuti: ‘Eezyo ngazilacitika biyeni?’ IBbaibbele lyaamba kuti Bwaami bwaLeza buyoopa kuti zicitike, alimwi nkuyanda kwaLeza kuti bantu boonse bayiye atala aBwaami alimwi amakanze aakwe aajatikizya ndiswe.​—Intembauzyo 37:11, 29; Isaya 9:7.

Leza uyanda kuti tugwasigwe.

Mbuli ndeende ulaluyando mbwayanda kuti bana bakwe kazibeendela kabotu, alakwe Ndeende wesu ulikujulu uyanda kuti tube akubotelwa kutamani. (Isaya 48:17, 18) Wakasyomezya kuti ‘ooyo uucita kuyanda kwaLeza ulakalilila kukabe kutamani.’​—1 Johane 2:17.

Leza uyanda kuti katweenda munzila zyakwe.

IBbaibbele lyaamba kuti Mulengi wesu uyanda “kutuyisya nzila zyakwe” kutegwa ‘katweenda munzila zyakwe’ (Isaya 2:2, 3) Wakajatania “bantu bazina lyakwe” kutegwa baambilizye kuyanda kwakwe munyika yoonse.​—Incito 15:14.

Leza uyanda kuti tujatane mukumukomba.

Bukombi bwaJehova bwakasimpe tabwaanzanyi bantu pe, pesi bulabajatanisya muluyando lwakasimpe. (Johane 13:35) Mazuba aano mbaani balokuyiisya bantu kubelekela Leza kabajisini nyika yoonse? Tulokukutamba kuti uzibe ziingi kubelesya kabbuku aaka.