Skip to content

Mapenzi Azoomana Na?

Mapenzi Azoomana Na?

Kujana wasandula kuti . . .

  • iiyi?

  • inee?

  • amwi?

 NZILYAAMBA BBAIBBELE

“Leza . . . uyoosindula misozi yoonse kumeso aabo, alimwi lufwu talukooyoobako limbi, akwalo koomoka, kulila nokuba kucisa takukooyoobako limbi.”Ciyubunuzyo 21:3, 4, Busanduluzi bwa Nyika Mpya.

NCIZYAAMBA KULI NDUWE

Ulabaa lusyomo lwakuti Leza teensi nguwe weeta mapenzi.Jakobo 1:13.

Ikuziba kuti Leza zilamucisa kubona mapenzi ngituswaana kulatuumbulizya.Zekariya 2:8.

Ulabaa bulangilizi bwakuti mapenzi oonse azoomana.Intembauzyo 37:9-11.

 KUJANA TWAZISYOMA NA COONZYO NZILYAAMBA BBAIBBELE?

Iiyi, akaambo katwaambo tubili:

  • Mapenzi akutalulamisya tazimubotezyi pe Leza. Amuyeeye Jehova Leza mbaakamvwa ciindi bantu bakwe baambwa muBbaibbele nibakali kujatwa calunya. IBbaibbele lyaamba kuti Leza wakaumbaala akaambo “kabaabo ibakali kubapenzya.”Babetesi 2:18.

    Zilamucisa Leza nabona bantu kababisizya bamwi. Mucikozyanyo Bbaibbele lyaamba kuti “maanza aatila bulowa bwabaabo batakwe mulandu” alamusesemya.Tusimpi 6:16, 17.

  • Leza ulaandaba kuli umwi aumwi wesu. Tacili kuti ‘umwi aumwi nguuzi mapenzi aakwe’ alikke, pesi Jehova alakwe ulaazi!2 Makani 6:29, 30.

    Kwiinda muBwami bwakwe, lino-lino Jehova uzoomaninsya mapenzi aumwi aumwi wesu. (Matayo 6:9, 10) Kwacecino ciindi, ulabaumbulizya aabo bamuyanduula camoyo woonse.Incito 17:27; 2 baKorinto 1:3, 4.

 NZYONGA ULAYEEYA

Nkamboonzi Leza ncazumizya mapenzi?

Mubuzyo ooyu ulasandulwa muBbaibbele muli BAROMA 5:12 amuli 2 PETRO 3:9.