Skip to content

Skip to table of contents

 BUUMI BWAMAKRISTU

“Lemeka Uso Abanyoko”

“Lemeka Uso Abanyoko”

Jesu naakali aanyika, wakasungwaazya bantu kutobela mulawu wakuti: “Lemeka uso abanyoko.” (Ku 20:12; Mt 15:4) Jesu wakali kukonzya kwaamba majwi aaya nkaambo wakali ‘kulibombya’ kubazyali bakwe kuzwa kachili muniini. (Lk 2:51) Naakakomena, kali waba afwiifwi kuti afwe, wakaamba kuti banyina balanganisigwe kabotu.—Joh 19:26, 27.

Mazubaano, maKristu bachikula batondeezya kulemeka bazyali babo kwiinda mukubaswiilila akwaambuulaabo chabulemu. Mulawu wakulemeka bazyali ulabeleka chiindi choonse. Tweelede kubalemeka bazyali besu nikuba kuti bakomena nkaambo tujana busongo kulimbabo. (Tus 23:22) Alubo, tweelede kulemeka bazyali besu bachembeede kwiinda mukubagwasya muzintu zyakumubili amali. (1Tim 5:8) Kwaambuula kabotu abazyali besu kutondeezya kuti tulabalemeka, kufumbwa kuti tuli bapati naakuti tuli baniini.

AMWEEBELE KAVIDIYO KAZIFANIKISYO ZYAKUDILOWA ABBOODI KATI, KUJANA NDAAMBUUZYANIA BIYENI ABAZYALI BANGU? MPAWO MUSANDULE MIBUZYO IITOBELA:

  • Nkamboonzi chimwi chiindi nikukonzya kukuyumina kwaambuula abazyali bako?

  • Kujana watondeezya biyeni kuti ulabalemeka bazyali bako nwambuulaabo?

  • Nimpinduunzi nzujana kuti waambuula kabotu abazyali bako? (Tus 15:22)

    Kwaambuuzyania kabotu abazyali bako kuyookugwasya kuti uchite zilikabotu mubuumi