Skip to content

Skip to table of contents

 BUUMI BWAMAKRISTU

Amubotelwe Akaambo Kabulangilizi Mbumulabo

Amubotelwe Akaambo Kabulangilizi Mbumulabo

Bulangilizi bukozyanisigwa amunsemu. (Heb 6:19) Bulakonzya kutugwasya kuti lusyomo lwesu lusime chiindi nituswaana mapenzi alimbuli mvula ilaaguwo pati. (1Tim 1:18, 19) Mapenzi aaya aswaanizya kulisola, kusweekelwa azintu nzitulazyo, kuchiswa kwachiindi chilamfu, kufwidwa muntu nguyanda naa kufumbwa sunko.

Lusyomo abulangilizi zitugwasya kuti tukonzye kulangilila zintu zyakasyomezegwa. (2Kor 4:16-18; Heb 11:13, 26, 27) Nkinkaako, kufumbwa naa tulabulangilizi bwakuyoopona kujulu naa aanyika, tweelede kusimya bulangilizi bwesu kwiinda mukuyeeyesesya atala azisyomezyo zili muJwi lyaLeza. Eezi ziyoopa kuti tukakonzye kubotelwa chiindi nituli mumapenzi.1Pet 1:6, 7.

AMWEEBELE KAVIDIYO KATI AMUBOTELWE AKAAMBO KABULANGILIZI, MPAWO MUSANDULE MIBUZYO IITOBELA:

  • Nkamboonzi Musa nali chikozyano chili kabotu chakutobelezya?

  • Mitoloonzi njibalayo basilutwe bampuli?

  • Ngaali makani ngimukonzya kulanga-langa chiindi nimuchita Kukomba kwanu Kwampuli?

  • Kuba abulangilizi nga kulakugwasya biyeni chiindi nuli mumasunko?

  • Nziizili zintu nzulangilila kunembo?