Skip to content

Miswaangano Yambungano yaBakamboni baJehova

Yiya atalaa miswaangano yesu. Ziba nkutuswaaninana kufwifwi ankokkala.

Kuchenjezyania aatala aCoronavirus (COVID-19): Mumasena miingi, tatukabunganini muMaanda eesu aaBwaami naakuti kubungana katuli biingi. Kuti muzibe ziingi, mulakonzya kubuzya kuli umwi waBakamboni baJehova. Kuli baabo batakonzyi kusika, Nkani Iyandikana ilaamutwe utii, “Mbweendelezi Bwani Mbutweelede Kusyoma?,” iyoobikkwa kalili vidiyo ndimukonzya kudawuniloda naakuti kweebela aaintaneti.

Yanduula Busena Bulaa Fwiifwi Ankukkala (opens new window)

Niinzi Cicitika Kumiswaangano Yesu?

Bakamboni baJehova babaa miswaangano yabuKristo tubili mumviki. (BaHebrayo 10:24, 25) Kumiswaangano eeyi yaangunukide kumuntu woonse, tulanga-langa nzyambwaa Bbaibbele ambotukonzya kubelesya njiisyo nzitujana mumo mubuumi bwesu.

Zintu zicitika kumiswaangano yesu ziswaanizya kutola lubazu kwabaswiilizi, mbuuli kwaambuzyanya kucitika mukkilasi kucikolo. Miswaangano italika alwiimbo ankombyo alimwi imana alwiimbo ankombyo.

Tazyaambi kuti weelede kuba umwi waBakamboni baJehova kuti unjile miswaangano yesu. Tutamba bantu boonse kuti basike. Takubbadalwi pe kuti unjile. Taakwe nitweendelezya ndido yamali pe.