Skip to content

Skip to secondary menu

Skip to table of contents

Dzifakazi dza Jehovha

Gitonga

Hevbudza Sanana Sago

 GIHEVBULO 10

Jesu sikhati Satshavbo a di gu Engisa

Jesu sikhati Satshavbo a di gu Engisa

Si ngu vbevbuga sikhati satshavbo gu engisa papai ni mamayi wago?— Yimbe tepo si ngu garadza. U ngu dziti gu khuwe Jesu a di gu engisa Jehovha gumogo ni papai ni mamayi waye?— Giyeyedzo gyaye gi nga gu phasa gu engisa papai ni mamayi wago ambari yimbe tepo na si si vbevbugi. Hongoleni hi si wona.

Na si guti mafuni, Jesu a diri ndzadzini ni Papai waye, Jehovha. Ganiolu Jesu gambe a diri ni papai ni mamayi mafuni. Avo va di gu ranwa pwani khu Josefa ni Mariya. U ngu dziti gu khuwe si giregide kharini gu avo va khala papai ni mamayi wa Jesu?—

Jehovha a di dzega womi wa Jesu ndzadzini a wu theya ndrani ga Mariya gasi Jesu a kodza gu velegwa ni gu vbanya mafuni. Igyogyo gi diri gilewugiso! Jesu dandrede ndrani ga Mariya kha nga simbe sanana si dandreyago ndrani ga vamamayi vaso. Hwane nya livbandre na mina migima, Mariya a di velega Jesu. Khiso isoso si nga girega gasi Mariya ni mwama waye, Josefa, va khala papai ni mamayi wa Jesu mafuni.

Gikhati Jesu a nga ba ari ni 12 myaga basi, giride gilo gi nga yeyedza gu khigyo uye a di gu gola ngudzu Papai waye, Jehovha. Igyo gi giregide tepo Jesu ni valongo vaye va nga endra va hongola Phasikatunu Jerusalema. Tepo va nga ba va bweleya gaya, Josefa ni Mariya va di vbweta Jesu va mu hamuga. U ngu dziti gu khuwe a di romo hayi?—

Khu ginani Jesu a nga ba ari nyumbani ga Nungungulu?

Josefa ni Mariya va di bweleya Jerusalema khu guvbiredza va ya vbwetedzeya Jesu malanga yatshavbo. Avo va di garadzega ngudzu kholu va nga ba va si mu mani. Ganiolu hwane nya matshigu mararu va di ya mu mana nyumbani ga Nungungulu! U ngu dziti gu khuwe khu ginani Jesu a nga ba ari nyumbani ga Nungungulu?— Kholu umomo uye na hevbude khu Papai waye, Jehovha. Uye a di gu gola Jehovha nigu a di gu vbweta gu hevbula ndziya nya gu mu tsakise. Ambari tepo a nga dandra a khala mwama, sikhati satshavbo Jesu a di gu engisa Jehovha. Jesu engiside ambari olu dzimbe dzitepo si nga ba na si garadza sibwe si pata gutshaniseka. Ina Jesu engiside Josefa ni Mariya navo?— Khidzo, Bhibliya yari khiyo va engiside.

Wa gu hevbula ginani khu giyeyedzo gya Jesu?— Uwe u fanede gu engisa papai ni mamayi wago, ambari na si gu garadza yimbe tepo. U na gira isoso?—

LERI OMU NYA BHIBLIYA YAGO