Skip to content

Skip to secondary menu

Skip to table of contents

Dzifakazi dza Jehovha

Gitonga

Engisa Nungungulu Gasi U Vbanya Kala Gupindruga

 GIPANDRE 9

Yi nata lini Paradhesi?

Yi nata lini Paradhesi?

Sigaradzo hi si wonago mafuni so yeyedza gu khiso Mufumo wa Nungungulu womo vbafuvbi ni gu hi lamuleya. Luka 21:10, 11; 2 Thimoti 3:1-5

Bhibhiliya yi profetide silo nya singi si giregago muhuno. Yi ganede gu khiyo vathu va na gola dzitsapawu, va si engisi vavelegi, va wugeyana va bwe va gola gu dzi tsakisa.

Gu na manega sirevareva, dzinyimbi, dzindzala ni madwali malangani nya gutale. Silo soso si ngu girega muhuno.

Jesu ganede gambe gu khuye mahungu nya yadi nya Mufumo ma na tshumayedwa mafuni gwatshavbo. — Matewu 24:14.

 Mufumo wa Nungungulu wu na fuvisa guvivba gwatshavbo. 2 Pedro 3:13

Nugunugu Jehovha a na fuvisa vathu vatshavbo nya guvivbe.

Sathane ni madhemoni va na tsayiswa.

Ava va engisago Nungungulu va na vbuluga va bwe va beya mafuni maphya nya gululame, omu gu na gu ba guri mwalo guthava, ni omu vathu va na tumbanago ni gu haladzana.