Skip to content

Skip to secondary menu

Skip to table of contents

Dzifakazi dza Jehovha

Gitonga

Engisa Nungungulu Gasi U Vbanya Kala Gupindruga

 GIPANDRE 13

Ginani hi yedego gu gira gasi gu tsakisa Nungungulu?

Ginani hi yedego gu gira gasi gu tsakisa Nungungulu?

Potsa silo nya guvivbe. 1 Vakorinto 6:9, 10

Ha gu mu haladza Jehovha, kha hi na nga gira silo a si vengago.

Jehovha kha vbweti gu khuye hiba, hi leva, mwendro gu dheleya mirendre yi pepugisago mapimo.

Nungungulu a ngu venga gusonga, gupola mimba, ni guhengeya malawu ni vama-kwanu mwendro vanyamayi-kwanu. Uye kha vbweti gu khuye hi gira vamagundrele mwendro gu dwana.

Kha hi yeli gu khozeya sifananiso mwendro gu thumisa dzinyanga ni wuloyi.

Paradhesi yeyi yi tago mafuni, gu na ba guri mwalo vathu va girago silo nya guvivbe.

 Gira silo nya sadi. Matewu 7:12

Gasi gu tsakisa Nungungulu, gu vbwetega gu hi dzi garadzeya gu mu pimedzeya.

Yeyedza guhaladza vakwanu khu gu va gireya silo nya sadi ni gu va gireya wuhindzi.

Tumbega siloni satshavbo.

Gireya wuhindzi vakwanu u bwe u va divaleya.

Bhuleya vambe khu Jehovha ni milayo yaye. — Isaya 43:10.