Jehovha ningide Adhamu ni Evha silo nya singi nya sadi. Genesi 1:28

Jehovha a di wumba nyamayi nya gupheye, a gu Evha, a mu ningeya ga Adhamu gasi gu khala mwangadzi waye. — Genesi 2:21, 22.

Jehovha va vangide na vari ni mapimo ni mili nya guvbeleye, na vari mwalo gihoso.

Ndranga yawe yi diri lithembwe la Edheni. Lithembwe lolo mwendro Paradhesi li diri wulanga nya gumbure ngudzu wu nga ba wuri ni tsongo, misimbo nya mihandro ni sirengo.

Jehovha a di gu ganeya navo a bwe a va hevbudza. Nari khatshi va di mu engiside, na va vbanyide kala gupindruga Paradhesini mafuni momu.

 Nungungulu a di laya gu khuye mihandro nya simbo moyo yi nga hodzwi. Genesi 2:16, 17

Ngilozi mweyo yi di wugeya Nungungulu. Ngilozi yoyo nya guvivbe khu Sathane, Dhiyabhulosi.

Jehovha a di yeyedza Adhamu ni Evha simbo moyo nya mihandro wu nga ba na wu romo thembweni a bwe a va embeya gu khuye va gu hodza mihandro nya simbo wowo, va nafa.

Sathane kha nga ba a vbweta gu khuye Adhamu ni Evha va engisa Jehovha. Khu kharato, Sathane a di thumisa nyoga gasi gu embeya Evha gu khuye a gu hodza handro nya simbo wowo, kha na ngafa, ganiolu a na fana ni Nungungulu. Khu lisine, ayoyo ma diri malipha. — Genesi 3:1-5.