Skip to content

Skip to secondary menu

Dzifakazi dza Jehovha

Gitonga

Khu Mani Gwadi-gwadi a Fumago Mafu?

Khu Mani Gwadi-gwadi a Fumago Mafu?

Wa gu pimisa gu khuwe khu . . .

  • Nungungulu?

  • vathu?

  • mwendro simbe sivangwa?

 NGA WONA ESI BHIBHILIYA YI SI GANEYAGO

“Litigo latshavbo lomo vbavbatshi nya tshivba ya Sathane.” — 1 Johane 5:19.

‘Mwamana wa Nungungulu a tede gu ta tshungunula mithumo ya Sathane.’ — 1 Johane 3:8.

GUTI ISOSO GU NGA GU PHASA KHARINI

Ga gu ninga mitshamuselo nya lisine mayelano ni sigaradzo nya litigo. — Gutuledwa 12:12.

Ga gu hi ninga gighelo nya gu khodwe gu khethu mafu yaya ma na tshukwata. — 1 Johane 2:17.

 HI NGA SI KHODWA FURI ESI BHIBHILIYA YI SI GANEYAGO?

Ina, khu sighelo siraru:

  • Wufumeli wa Sathane wu virede gu tshungunudwa. Jehovha dzi emisede gu fuvisa wufumeli wa Sathane. Uye tumbiside “gu pala . . . Sathane,” a vbedza gutshaniseka gwatshavbo a gu vangidego. — Vahebheru 2:14.

  • Nungungulu hathide Jesu Kristo gasi gu fumeya mafu. Jesu a ngu hambana ngudzu ni mufumeli wa olu nya mafu yaya, a gu mufumeli nya gutshanise ni makolo. Mayelano ni wufumeli wa Jesu, Nungungulu tumbiside gu khuye: ‘A na pweya sisiwana, a si tshula wugumbini nya guphangwe ni gutshaniswa.’ — Ndzimo 72:13, 14.

  • Nungungulu kha liphi. Bhibhiliya yari khiyo: ‘Nungungulu kha sengi.’ (Vahebheru 6:18) Jehovha a gu tumbisa gu gira gilo, khu lisine gilo gyogyo gi na girega! (Isaya 55:10, 11) Mufumeli nya mafu yaya a na ‘tutumiswa.’ — Johane 12:31.

 NGA DUNDRUGEYA

Mafu yaya ma na khala kharini a gu fuviswa oyu a ma fumeyago?

Bhibhiliya yi ngu hlamula giwudziso gegi omu nya NDZIMO 37:10, 11 ni GUTULEDWA 21:3, 4.