Skip to content

Skip to secondary menu

Skip to table of contents

Dzifakazi dza Jehovha

Gitonga

Engisa Nungungulu Gasi U Vbanya Kala Gupindruga

 GIPANDRE 5

Ndrambi nya yikhongolo – Khu vamani va nga engisa? Khu vamani va nga ne gu engisa?

Ndrambi nya yikhongolo – Khu vamani va nga engisa? Khu vamani va nga ne gu engisa?

Vathu nya vangi matshiguni ya Nowa va di gu gira silo nya guvivbe. Genesi 6:5

Adhamu ni Evha va di velega sanana, vathu va engedzeyana mafuni. Khu gugimbiya nya tepo dzimbe dzingelozi dzi di hengeya ni Sathane dzi wugeya Nungungulu.

Dzi di releya mafuni dzi ta dzi gireya mili nya vama gasi dzi dzegana ni vanyamayi. Vanyamayi vovo va di velega sanana nya gu laphe ngudzu, nya makhuva ni tshivba.

Litigo li di tala khu vathu nya gu gire silo nya guvivbe. Bhibhiliya ya ri khiyo: “Gughoha nya vathu gu diya na gu engedzela gudandra khu tshivba ni tshivba tigoni; ni gukhuye mapimo ni maalakanyo ni makungo yatshavbo ya monyoni nya vathu, gikhati gyatshavbo ma gu wegelela guvivbani basi.”

 Nowa a di engisa Nungungulu, a gira litaro. Genesi 6:13, 14, 18, 19, 22

Nowa a diri muthu nya wadi. Jehovha a di embeya Nowa gu khuye a na resa ndrambi nya yikhongolo gasi gu fuvisa vathu nya guvivbe.

Nungungulu a di bwe a leleteya Nowa gu gira ngalava nya yikhongolo, yi ranwago gu pwani litaro, gasi a beya umo uye ni ndranga yaye gumogo ni sirengo nya mafumbo yatshavbo.

Nowa a di embeya vathu gu khuye yi nguta Ndrambi, ganiolu avo kha va engisa. Vambe va di mu hega; ni vambe gambe va di mu venga.

Tepo a nga vbedza gu gira litaro, Nowa a di bedza sirengo.