Julani

Lutani pa menyu yachiŵi

Akaboni aku Yehova

Chitonga (Malawi)

Marangu

Marangu

Copyright

© 2014 Watch Tower Bible and Tract Society of Pennsylvania, Inc. Mazaza ngosi pa Webusayiti iyi ngidu.

Wupu wa Watchtower Bible and Tract Society of New York, Inc. (“Watchtower”) ndiwu we ndi mazaza ngakupharazga kweniso kunozga Webusayiti iyi. Nkhani kweniso vinthu vosi vo ve pa Webusayiti iyi, va Watch Tower Bible and Tract Society of Pennsylvania, Inc. kupatuwaku asani talongo kuti vatuliya kunyaki.

Tividindu

Tividindu ta Adobe kweniso Acrobat, ntha wupu wa Adobe Systems Incorporated. Ndipu tividindu ta iTunes ndi iPod ntha wupu wa Apple Inc. Tividindu tinyaki tosi ntha mawupu ngo ngalongoleka.

Vo Mukhumbika Kulondo Pakugwiriskiya Nchitu Webusayiti Iyi

Fundu zo ze mumphata umu, ndizu mutenere kulondo pakugwiriskiya nchitu webusayiti iyi. Asani mugwiriskiya nchitu webusayiti iyi, ndikwesa mwazomerezga kulondo fundu zenizi. Asani mwakana fundu izi pamwenga chigaŵa chinyaki cha fundu zenizi, mbwenu muleki kugwiriskiya nchitu webusayiti iyi.

Kumbi ndi vinthu wuli vo muzomerezgeka kuchita pa webusayiti iyi? Mungajula kuti muwoni vo vilipu, mungakopa kweniso kupurinta vithuzi, mabuku, sumu, nkhani ndipuso mavidiyo kuti muvigwiriskiyi nchitu, kweni mungachitiyanga bizinesi cha. Kweniso mutenere cha kuchita vo vakonkhoskeka mumphata umu. Mungachitanga cha ivi:

  • Kuto vinthu pa webusayiti iyi ndi kuviyika pa Intaneti (nge pa mawebusayiti nganyaki pamwenga pamalu ngo ŵanthu angavito kwambula kusuzga);

  • Kunozga so vinthu vo mwato pa webusayiti iyi kusazgapu mapulogilamu ngo ngalipu kuti mugaŵiyengi ŵanthu anyaki.

  • Kupanga so, kuchita jubuliketi, kukopa pamwenga kuvigwiriskiya nchitu mwambula kwenere ndi chilatu chakuti muvigwiriskiyengi nchitu pa nkhani za bizinesi (chinanga vingaŵa kuti musaniriyengepu chechosi cha). Ivi visazgapu mapulogilamu nga pakompyuta ngo nge pa webusayiti iyi (kwali ngakuti mungasintha pamwenga cha);

  • Kusere pa webusayiti iyi ndi chilatu chakuti mupharazgengi vinthu vakukwaskana ndi mo yikupangikiya, mapulogilamu ngo agwiriskiya nchitu pakuzozga webusayiti iyi, kweniso kukhumba kuyigwiriskiya nchitu mwambula kwenere (vo visazgapu kuto vinthu vinandi ndi kuvipharazga nge kuti imwi ndimwi mukupanga pamwenga kuvigwiriskiya nchitu m’nthowa yinyaki yeyosi yambula kwenere);

  • Kugwiriskiya nchitu mwambula kwenere webusayiti iyi pamwenga vinthu vo vilipu, nge kuyisaniriyanga vifukwa kweniso kuyijula pamwenga kuchitangapu vinthu vambula kukoliyana ndi vo yikupangikiya.

  • Kuyigwiriskiya nchitu mwambula kukoliyana ndi marangu pamwenga kuyitimbanyizga kuti ŵanthu anyaki atondeki kuyigwiriskiya nchitu;

  • Kuyigwiriskiya nchitu pa nkhani za malonda.

Mungambika Mlandu Asani Mwaleka Kulondo Marangu

Asani mwaswa marangu ngakukwaskana ndi webusayiti iyi, wupu wa Watchtower we ndi mazaza ngakukukanizgani kuyigwiriskiya nchitu, kubuloka kompyuta yinu mwakugwiriskiya nchitu adiresi yinu ya IP ndi chilatu chakuti muleki kuyigwiriskiya nchitu. Ungachikambiya so ŵeneku a Intaneti yo mugwiriskiya nchitu kuti akubulokeni ku webusayiti iyi. Ndipuso wupu wa Watchtower ungakumangiskani.

Kusintha Vo Mukhumbika Kulondo

Wupu wa Watchtower ungasintha fundu zakukwaskana ndi Vo Mukhumbika Kulondo pakugwiriskiya nchitu webusayiti iyi. Fundu zasonu zitamba kugwira nchitu kutuliya pa deti lo zaŵikikiya pa webusayiti. Mwaviyo, muŵerengengi kaŵikaŵi kuti muziŵi fundu zo zasintha.

Khoti

Asani mphakwenere kukutoliyani ku khoti chifukwa chakuti mwatondeka kugwiriskiya nchitu Vo Mukhumbika Kulondo pakugwiriskiya nchitu webusayiti iyi, mwazamumbika mlandu mwakukoliyana ndi marangu nga State of New York, U.S.A., chinanga kuti marangu ngo ngangaja ngakupambana ndi nga m’charu chinu. Ndipu mlandu wenuwu wamuyeruzgikiya kukhoti la ku State of New York, U.S.A.

Asani Fundu Yinyaki Njambula Kukhumbika

Ziŵani kuti fundu zinyaki zosi pa Vo Mukhumbika Kulondo pakugwiriskiya nchitu webusayiti iyi, zingwirengi mbwenu nchitu chinanga kuti khoti lingakamba kuti fundu yinyaki pa fundu zo, njambula kwenere ndipuso njakuti munthu wangambika nayu mulandu cha pamwenga kuti yikoliyana cha ndi marangu. Asani wupu wa Watchtower waleka kumutole kukhoti munthu yo waswa marangu, ving’anamuwa kuti fundu yo yaleka kugwira nchitu pamwenga so kuti wupu wo ulivi mazaza ngakuchita viyo cha.

Mapanganu Ngosi

Fundu zosi izi zakukwaskana ndi Vo Mukhumbika Kulondo, ndi mapanganu nga pakati paku imwi ndi wupu wa Watchtower pankhani ya kugwiriskiya nchitu webusayiti iyi ndipu ngasere m’malu mwa mapanganu ngakali.