Julani

Mzichi Yekaterina Pegasheva

APRIL 8, 2021
RUSSIA

Mzichi Yekaterina Pegasheva Walutirizga Kuja Wakugomezgeka Chinanga Kuti Atimumba Mulandu ku Russia

Mzichi Yekaterina Pegasheva Walutirizga Kuja Wakugomezgeka Chinanga Kuti Atimumba Mulandu ku Russia

Nyengu yo Khoti Liyeruzgiyengi Mulandu

Pambula kuswera yapa, khoti la Gornomariyskiy muchigaŵa cha Republic of Mari El * liperekengi cheruzgu chaki pa mulandu wa Mzichi Yekaterina Pegasheva.

Vakukwaskana ndi Munthu Uyu

Yekaterina Pegasheva

  • Chaka cho Wakuwiya: 1989 (Ku Gaintsy, muchigaŵa cha Kirov)

  • Mo Wakukuliya: Ku banja kwawu waliku yija. Watanja kuŵerenga mabuku, kulemba ndakatulu ndipuso kumba sumu. Wagwira ntchitu ya munyumba. Wakusambira chineneru cha Chimari kuti wapharazgiyengi ŵanthu anandi

Vo Vinguchitika Kuti Wambiki Mulandu

Pa 3 October 2019, Mzichi Pegasheva wangumangika mutawuni ya Yoshkar-Ola ku Republic of Mari El. Apolisi angufufuza munyumba mwaki ndipu anguto mabuku, vipangizu va mazuŵa nganu, vimakalata vaki ndipuso madokumenti. Yekaterina amumbanga mulandu chifukwa chakuti wachitanga vinthu vakukwaskana ndi gulu lo likukanizika nge kukambiskana fundu za mu Bayibolu ndi anyaki.

Yekaterina wangukamba kuti: “Mwamabuchibuchi, apolisi angundiko mu msewu ndikundibwanyisa kuchimiti ndipuso anguwika manja ngangu kuvuli. Mwakuyanana ndi Nehemiya, ndingupemphera kwaku Yehova kuti wandiwovyi.” Ŵati amumanga, wanguja mujeri mazuŵa ngakujumpha 100 kulindizgiya mulandu waki. Pasonu panu wachita ukayidi wapanyumba.”

Panyengu yo Yekaterina walindizgiyanga mulandu waki, amufumbanga mafumbu mwakuwerezawereza. Iyu wanguwona kuti vo wangusambira mu Bayibolu vingumuwovya. Iyu wangukamba kuti: “Ndakumbukiyanga vo ndingusambira kweniso uteŵeti wo ndingupaskika ndati ndasere Sukulu ya Apharazgi a Ufumu. Ukongwa fundu yinyaki yakuti: Asani timuka arwani panyengu yo atikufumbani mafumbu tija kuti timiya Ambuya Yesu, fundu yeniyi yingundichiska ukongwa. Venivi vingundiwovya kuti ndijikongi kweniso kuti nditumbikengi amazaza wo andichitiyanga vinthu mwambula urunji.”

Kuja mujeri ndipuso kuchita ukayidi wapanyumba kwakujumpha chaka kwachitiska kuti umoyu waku Yekaterina uje wakusuzga. Vachitiska kuti watamengitamengi kweniso kumutondekesa kugwira ntchitu yakuti wasaniyengi ndalama. Vakusuzga so chifukwa chakuti wakulekana ndi anyina ndi ambuyaki. Chinanga kuti Yekaterina wakumana ndi masuzgu kweni wakhumbisiska kulutirizga kuja wakugomezgeka. Iyu wangukamba kuti: “Asani atinditombozga ukongwa ndipuso ndivwala vidya vosi vankhondu.” Iyu wangukamba so kuti: “Sonu ndichita mantha ndi chechosi cha! Pakwamba ndenga ndi chiganga, kweni sonu mwakuwovyeka ndi mzimu waku Chiuta nde wakukho ukongwa.”

Po Yekaterina walindizgiya kuti a khoti apereki cheruzgu, tiziŵa kuti walutirizgengi kuthemba Yehova yo wapaska nthazi ateŵeti ŵaki.—Ekisodo 15:2.

^ ndimi 3 Ndi nyengu zosi cha po a khoti akambiya limu zuŵa lo ayeruzgiyengi mulandu