Julani

Yimoza mwa nyumba zo zikunangika ku Indonesia

APRIL 19, 2021
NKHANI ZA PACHARU CHOSI

Chimphepu cha Seroja Chikunanga Vinthu ku Idonesia ndi ku Timor-Leste

Chimphepu cha Seroja Chikunanga Vinthu ku Idonesia ndi ku Timor-Leste

Malu

Kuvuma kwa virwa va Nusa Tenggara vo ve kuvuma kwa Indonesia ndi Timor-Leste

Masoka

  • Pa 4 April 2021, Chimphepu cha Seroja chikunanga vinthu ukongwa ndipu ŵanthu anandi angusama munyumba zawu

Mo abali ndi azichi ŵidu angukwaskikiya

  • Ŵanthu pafufupi 236 angusama munyumba zawu

Vinthu vo vingunangika

Ku Indonesia

  • Nyumba 45 zikunangika kamanavi

  • Nyumba 8 zikunangika ukongwa

  • Nyumba za Ufumu zitatu zikunangika kamanavi

Ku Timor-Leste

  • Nyumba 19 zikunangika kamanavi

  • Nyumba 10 zikunangika ukongwa

Chovyu cho chinguperekeka

  • Ku Indonesia, Komiti ya Kovya pa Masoka (DRC) yingusankhika kuti yiperekengi chovyu. Komiti yeniyi yikhumba kwamba ntchitu yakunoza Nyumba za Ufumu zo zikunangika ndipuso nyumba zo zikunangika ukongwa.

  • Akuwonere madera muchigaŵa chenichi achiska abali ndi azichi ŵidu wo akwaskika

  • Chimphepu chati chamala waka, ŵara mumpingu angusaniya nyumba zakulindiziyapu waka kuti abali ndi azichi wo angusama dankha munyumba zawu ajemu. Ŵara ŵenaŵa angupereka so chakurya, maji ndipuso vinthu vinyaki vakukhumbika. Yiwu anguwovya so kutowesa nyumba zo zingunangika

  • Ku Timor-Leste, ŵara akwambapu kali kunozga nyumba zo zingunangika ndipuso kupereka chakurya kweniso vinthu vinyaki vakukhumbika ku ŵanthu wo akhumbikanga chovyu. Yiwu angusaniya nyumba zakulindiziyapu waka kuti abali ndi azichi wo angusama dankha munyumba zawu ajemu

  • Abali ndi azichi wosi wo agwiraku ntchitu yakupereka chovyu alondo ulongozgi wa mo angajivikiliya ku mulili wa COVID-19

Titimuwonga ukongwa Yehova chifukwa cha chovyu cho wapereka kuziya ‘mu uteŵeti wakupereka chovyu’ wo uchitika mu mpingu wa Chikhristu.—2 Akorinto 9:13.