OCTOBER 21, 2024
RUSSIA
Mzichi Nataliya Wakutuzgika Mujeri ku RUSSIA
Pa 4 October 2024, Mzichi Nataliya Sharapova wakutuzgika mujeri ku Russia. Pa 10 July 2024 angumusaniya kuti ngwakunanga ndipu khoti likumuyeruzga kuti wakaje mujeri kwa vyaka vitatu. Chifukwa chakuti wanguja kali mujeri kwa vyaka pafufupi viŵi po wakhazanga kuti wayeruzgiki, sonu wamaliza nyengu yosi yo wakhumbikanga kuja mujeri.
Penipo ayeruzganga mulandu waki, Nataliya wangukamba pa masu pa khoti kuti: “Nde ndi abali ndi azichi anandi akugomezgeka wo nyengu zosi atindisimikiziya kuti atindiyanja. Yesu wakutisambiza kuti: ‘Ŵanthu wosi azamuziŵa kuti ndimwi akusambira ŵangu asani mwaŵeni mutanjana.’ (Yohane 13:35) Kwamba kali vosi vo ndichita nditivichita chifukwa cha chanju,ndipu ndilutirizgengi kuchita viyo.”
Po Nataliya wakumana so ndi ŵanthu a mu banja laki, tigomezga kuti Yehova walutirizgengi kumulongo “chanju chambula kumala” kwaku Nataliya kweniso kwa ateŵeti Ŵaki wosi akugomezgeka.—Salimo 59:16, 17.