NOVEMBER 8, 2024
NKHANI ZA PACHARU CHOSI
Ntchitu Yakuzenga Likulu Lidu ku Ramapo
Tazomerezgeka Kwamba Kuzenga ku Ramapo
Pa 6 November 2024, Ŵaraŵara amu Tawuni ya Ramapo akuzomereza pulanu ya vo tizengengi pamalu ngidu ku Ramapo. Kuzomerezeka kwenuku nkhwakukhumbika ukongwa, chifukwa sonu tiyambengi kuzenga chinanga ndi vinthu vikuluvikulu pa malu ngenanga.
Mo Ofesi yakujambuliya mavidiyo ku Ramapo yazamuwonekiyanga asani amaliza kuzenga
Mu June 2023, arara amu tawuni ya Ramapo anguzomereza pulanu yidu yo tingulemba. Angutizomerezaso kuti tingayamba kudumuwa vimiti, kunozgapu ndipuso kugwira ntchitu zinyaki pamalu yanga. Chinanga kuti veviyo, kutizomereza uku kunga‵anamuwa kuti ntchitu zinyaki ziyambikengi nge kumanga malu ngakuserere kweniso kutuzapu mya kuti tiyambi kumangapu fawundeshoni. Mwaviyo, ntchitu zinyaki zakukhumbikaso,nge kukumba mo muyendengi mapayipi nga maji ndipuso nga magesi kweniso kuwika vinthu venivi kungayamba.
Mubali Kevin Page, yo wateŵete mu komiti yakuzenga, wangukamba kuti: “Te akukondwa ukongwa kuja ndi chikalata chakutizomereza kuti tiyambi kuzenga! Pa chigaŵa chechosi cho tili cha ntchitu iyi, tiwona mo Yehova watumbikiya kuzikira kweniso phamphu lidu. Titimuwonga ukongwa Yehova po watovya kuti ntchitu yaki yikengi panthazi ndipu tipempha kuti walutilizgi kupereka vitumbiku po titiya pa chigaŵa chinyaki cha ntchitu iyi.”
Nge ubali wa pacharu chosi, te akukondwa ukongwa ndi kuluta panthazi kwenuku ndipu tipempha Yehova kuti watumbiku ntchitu yeniyi kweniso wosi wo agwirengeku ntchitu iyi!—Hagayi 1:14.