Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Chigongwi cha Alinda  |  November 2015

Vo Bayibolu Limuka

Vo Bayibolu Limuka

Kumbi ukavu ungamaliya limu?

Kumbi Chiuta wazamutuzgapu wuli ukavu pacharu?Mateyu 6:9, 10.

Ukavu uchitiska kuti ŵanthu mamiliyoni nganandi afwengi chifukwa chakusoŵa chakurya muliŵavu ndipuso matenda. Chinanga kuti vyaru vinyaki vakukhupuka ukongwa, kweni vyaru vinandi vikavu. Bayibolu lilongo kuti ukavu ukwamba ndi kali ukongwa.—Ŵerengani Yohane 12:8.

Pakhumbika boma lo lingamalisa ukavu kweniso lo lingagaŵiya vinthu munthu weyosi mwambula kwanjiya. Boma lenili lingakhumbika so kumaliska nkhondu zo zichitiska kuti paje ukavu. Chiuta watilayizga kuti watipaskengi boma lo lingafiska kuchita venivi.—Ŵerengani Danyele 2:44.

Kumbi ndiyani yo wangamalisa ukavu?

Chiuta wasankha Mwana waki Yesu kuti walamuliyi mitundu yosi ya ŵanthu. (Sumu 2:4-8) Yesu wazamutaska akavu ndipu wazamumalisa kukandirizgika ndi nkhaza.—Ŵerengani Sumu 72:8, 12-14.

Nge mo Malemba ngakukambiya, Yesu yo ndi “Karonga Wachimangu” wazamuchitiska kuti pacharu chosi paje chimangu ndipu ŵanthu azamuvikilirika. Ŵanthu wosi azamuja munyumba zawu, azamugwira ntchitu mwakukondwa ndipuso azamuja ndi vakurya vinandi.—Ŵerengani Yesaya 9:6, 7; 65:21-23.

 

Ziŵani Vinandi

CHIGONGWI CHA ALINDA

Kumbi pe Boma lo Lazamuwusa Charu Chosi?

Ŵanaŵaniyani chimangu cho boma lakuwusa charu chosi lazamuzisa. Nchifukwa wuli tikhumbika kugomezga layizgu laku Chiuta lakuti wazamujalikiska boma lakuwusa charu chosi? Kumbi ndiyani yo ngwakwenere kuziwusa?