Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Chigongwi cha Alinda  |  November 2015

 NKHANI YA PAPEJI LAKWAMBA | KUMBI AKABONI AKU YEHOVA MBAYANI?

Kumbi Akaboni aku Yehova Agomezganji?

Kumbi Akaboni aku Yehova Agomezganji?

Akaboni aku Yehova agomezga kuti “Malemba ngosi ngakulembeka mwakulongozgeka ndi Chiuta ndipu ngakuyanduliska.” (2 Timote 3:16) Tisambira Bayibolu kuti timuziŵi umampha Mulengi kweniso kuti tichitengi vinthu vamampha.

Bayibolu likamba kuti: “Kuti ŵanthu aziŵi kuti imwi yo zina linu ndimwi Yehova, ndimwi mwija Wamachanya wakulamuliya charu chosi chapasi.” (Sumu 83:18) Mwaviyo, tisopa Yehova Chiuta pe ndipu tiyesesa kukambiya ŵanthu za zina laki.Yesaya 43:10-12.

Nge Akhristu, tigomezga kuti Yesu, yo ndi “Mwana waku Chiuta,” * wanguza pa charu chapasi ndi kuzija Mesiya. (Yohane 1:34, 41; 4:25, 26) Yesu wati wafwa, wanguyusika ndipu wanguluta kuchanya. (1 Ŵakorinte 15:3, 4) Pavuli paki wanguja Fumu ya Ufumu waku Chiuta. (Chivumbuzi 11:15) Ufumu wenuwu ndi boma chayiru lo lazamusintha charu kuja Paradayisu. (Danyele 2:44) Bayibolu likamba kuti: “Ŵanthu akufwasa azamulonde charu chapasi, ndipu azamukondwa ndi chimangu kwamuyaya.”Sumu 37:11, 29.

Nyuzipepala yinyaki yingukamba kuti: “Asani aŵerenga Bayibolu awona kuti Chiuta walongoro nawu. Asani akumana ndi suzgu, aŵerenga Bayibolu kuti asaniyi fundu zo zingaŵawovya. . . . Yiwu awona kuti Mazu Ngaku Chiuta ngakovya ukongwa.”—Catholic clergyman Benjamin Cherayath, Münsterländische Volkszeitung newspaper, Germany

Akaboni aku Yehova agomezga kuti fundu za m’Bayibolu zingawovya ŵanthu chinanga ndi mazuŵa nganu. (Yesaya 48:17, 18) Ndichu chifukwa chaki tiyesesa kuvwiya fundu zenizi. Mwakuyeruzgiyapu, tikweŵa foja cha ndipuso kumwa munkhwala wakutimbanyiza wongu. Veviyo chifukwa Bayibolu likamba kuti tingachitanga cha vinthu vo vingananga maŵanaŵanu ndi liŵavu lidu. (2 Ŵakorinte 7:1) Kweniso tichita cha vo Bayibolu likana, nge kumwa moŵa mwauloŵevu, ureŵi ndipuso kuba.1 Ŵakorinte 6:9-11.

^ ndimi 5 Bayibolu likamba so kuti Yesu ndi “Mwana wapade waku Chiuta” chifukwa ndiyu wangwamba kulengeka ndipu wangulengeka mwachindunji ndi Yehova.Yohane 3:18; Ŵakolose 1:13-15.