Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Chigongwi cha Alinda  |  November 2015

 NKHANI YA PAPEJI LAKWAMBA | KUMBI AKABONI AKU YEHOVA MBAYANI?

Nchifukwa Wuli Tipharazga?

Nchifukwa Wuli Tipharazga?

Tikayika cha kuti tiziŵika ukongwa ndi ntchitu yakupharazga nyumba ndi nyumba ndipuso m’malu ngo musanirika ŵanthu anandi. Nchifukwa wuli tigwira ntchitu yeniyi?

Akaboni aku Yehova apharazga kuti atumbiki Chiuta ndipuso kuti ŵanthu aziŵi zina laki. (Ŵahebere 13:15) Kweniso tikhumba kulongo kuti tivwiya vo Yesu wangukamba. Iyu wangukamba kuti: “Lutani, mukasambizi ŵanthu a mitundu yosi kuti aje akusambira ŵangu, . . . ndi kuŵasambiza kuti asungi vosi vo ndingukukambiyani.”Mateyu 28:19, 20.

Kweniso tipharazga chifukwa chakuti titanja ukongwa ŵanthu. (Mateyu 22:39) Tiziŵa kuti ŵanthu anandi ŵe ndi matchalitchi ngawu ndipu ndi wosi cha wo akondwa ndi uthenga wo tipharazga. Kweni tisimikiza kuti uthenga wa m’Bayibolu ngwakovya kuti munthu wazisaniyi umoyu wamuyaya. Ndichu chifukwa chaki tilutirizga “kupharazga kwambura kulekezga ndipu tipharazga uthenga wamampha wakukwaskana ndi Khristu,” nge mo Akhristu a munyengu ya akutumika achitiyanga.Machitidu 5:41, 42.

Antonio Cova Maduro wangulemba kuti, “Akaboni aku Yehova alimbikiya kugwira ntchitu yakupharazga ndipu avuka ukongwa . . . . Achita viyo chifukwa akhumba kuti malemba ngakupatulika ngapharazgiki pacharu chosi.”El Universal newspaper, Venezuela

Anandi wo aŵerenga mabuku ngidu Mbakaboni cha. Ŵanthu mamiliyoni nganandi wo tisambira nawu Bayibolu ŵe ndi matchalitchi ngawu kali. Kweni awonga asani Akaboni aku Yehova atiŵapharazgiya.

Panyaki mwe ndi mafumbu ngakukwaskana ndi Akaboni aku Yehova. Asani mukhumba kuziŵa vinandi

  • Fumbani Kaboni weyosi.

  • Julani webusayiti yidu ya www.jw.org.

  • Fikani pa maunganu ngidu. Weyosi ngwakulondereka pa maunganu yanga ndipu wazamulipira ndalama cha.

Ziŵani Vinandi

MAFUMBU NGO ŴANTHU AFUMBA KAŴIKAŴI

Kumbi Akaboni aku Yehova Awona Kuti Ndiwu Pe wo Azamutaskika?

Bayibolo likonkhoska vakukwaskana ndi ŵanthu wo azamutaskika.

MAFUMBU NGO ŴANTHU AFUMBA KAŴIKAŴI

Kumbi Anthukazi wo Mbakaboni aku Yehova Apharazga?

Kumbi anthukazi wo Mbakaboni atovya wuli pa nchitu yakupharazga pacharu chosi yo yichitika ndi Akaboni aku Yehova?