Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Chigongwi cha Alinda  |  July 2015

Vo Bayibolu Limuka

Vo Bayibolu Limuka

Kumbi mpapi wamampha wachita wuli?

Kumbi musambiza mwana winu kuti wayanjengi Chiuta?

Ŵana akuwa umampha ukongwa asani apapi atanjana kweniso atumbikana. (Ŵakolose 3:14, 19) Apapi amampha atanja ŵana ŵawu kweniso atiŵawonga pa vamampha vo achita nge mo Yehova Chiuta wawonge Mwana waki.Ŵerengani Mateyu 3:17.

Awuskefwi akuchanya avwisiya ateŵeti ŵawu ndipu aziŵa mo avwiya. Apapi nawu angachita umampha kutoliyaku jalidu lenili ndipu atenere kuvwisiya vo ŵana ŵawu akamba. (Yakobe 1:19) Atenere kuziŵa mo ŵana ŵawu avwiya kweniso kuvwisiya dankha asani ŵana ŵawu alongoro nawu.Ŵerengani Maŵerengedu 11:11, 15.

Kumbi mungalera wuli ŵana ŵinu kuti akuwi umampha?

Nge mpapi mwe ndi udindu wakuŵikiya marangu ŵana ŵinu. (Ŵaefesu 6:1) Sambirani mo Chiuta wachitiya. Iyu walongo kuti watanja ŵana ŵaki mwakuŵakonkhoske umampha marangu ngaki kweniso watiŵakambiya vo vingachitika asani aleka kungavwiya. (Chiyambo 3:3) M’malu mwakuŵachichizga kuti amuvwiyengi, iyu watiŵasambiza vo angachita kuti vinthu viŵayende umampha.—Ŵerengani Yesaya 48:18, 19.

Yesesani kusambiza ŵana ŵinu kuti ayanjengi Chiuta. Asani mwachita viyo, achitengi vinthu mwazeru chinanga angaja kwaku ŵija. Yehova watitisambiza kuziya mu mijalidu yaki yamampha. Apapi namwi mutenere kwanja Chiuta kuti ŵana ŵinu nawu amuyanjengi.Ŵerengani Marangu 6:5-7; Ŵaefesu 4:32; 5:1.

 

Ziŵani Vinandi

UTHENGA WAMAMPHA WAKUTULIYA KWAKU CHIUTA

Vo Mungachita Kuti Banja Linu Lije Lalikondwa

Yehova, Chiuta walikondwa, wakhumba kuti mabanja ngajengi mwalikondwa. Saniyani ulongozgi wakovya wa m’Bayibolu wakuluta kwa anthurumi, anthukazi, apapi ndipuso ŵana.

BANJA LINU LIKHOZA KUJA LALIKONDWA

Kumbi Ŵana Asintha Wuli Vinthu M’nthengwa?

Kumbi kuja ndi mwana kungachitiska kuti ubwezi winu uje wakukho?