Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Chigongwi cha Alinda  |  May 2015

Vo Bayibolo Limuka

Vo Bayibolo Limuka

Kumbi vinthu vazamuja wuli m’charu chifya?

Kumbi nyifwa yaku Yesu yitovya wuli kuti ŵanthu ayanjanengi?

Tikayika cha kuti ŵanthu alutengi panthazi ukongwa pa nkhani za sayansi. Kweni kumbi angafiska kuwovya ŵanthu kuti ajengi mwakukoliyana ndipuso kuchitiya vinthu limoza? Awa. Mazuŵa nganu ŵanthu mbakujiyanja ndipuso achita vinthu mwambunu. Kweni Chiuta walayizga ŵanthu vinthu vamampha ukongwa.Ŵerengani 2 Petro 3:13.

Mazu Ngaku Chiuta ngakamba kuti m’charu chifya ŵanthu azamukwanjana. Ŵanthu azamuja mwachimangu ndipu palivi yo wazakuŵawofya.Ŵerengani Mika 4:3, 4.

Kumbi kujiyanja kwazamumala?

Pakwamba ŵanthu angulengeka ambula mtima wakujiyanja. Kweni Adamu ndi Eva angubuda chifukwa chakuleka kuvwiya Chiuta. Tosi tikutole kujiyanja chifukwa cha ubudi wenuwu. Kweni Chiuta wagwiriskiyengi nchitu Yesu kuti wawovyi ŵanthu kuti aje so akufikapu.Ŵerengani Ŵaroma 7:21, 24, 25.

Mwakukoliyana ndi khumbu laku Chiuta, Yesu wakupereka sembi kuti yitiwombo ku ubudi waku Adamu. (Ŵaroma 5:19) Mwaviyo, sembi yaku Yesu yitovya ŵanthu kuti azije akujiyuyuwa ndipuso akufikapu.Ŵerengani Sumu 37:9-11.