Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Chigongwi cha Alinda  |  March 2015

Vo Bayibolo Limuka

Vo Bayibolo Limuka

Kumbi pe boma lo lazamuwusa charu chosi?

Kumbi boma lenili lingawovya wuli kuti ŵanthu a mitundu yosi ajengi mwakukoliyana? Yesaya 32:1, 17; 54:13

Ŵanaŵaniyani mo ŵanthu angayanduliya ndi boma lakuwusa charu chosi. Mazuŵa nganu ŵanthu anandi asuzgika chifukwa cha ukavu, kweni anyaki mbakukhupuka. Pakaŵengi boma lakuwusa charu chosi mphanyi litovya ŵanthu pa masuzgu ngo akumana nangu kweniso mphanyi liyesesa kuti weyosi wasaniyi vo wakhumba pa umoyu. Kumbi muŵanaŵana kuti lilipu boma la ŵanthu lo lingachita venivi?Ŵerengani Yeremiya 10:23.

Kutuwa kali, maboma ngatondeka kuwovya ŵanthu, ukongwa akavu. Maboma nganyaki ngankhaza. (Wakutaula 4:1; 8:9) Kweni Chiuta watilayizga boma lo lazamutuzgapu maboma nganyaki ngosi. Yo wazamuwusa m’boma lenili wazamuphwere ŵanthu.Ŵerengani Yesaya 11:4; Danyele 2:44.

Kumbi Ufumu waku Chiuta wazamuchitanji?

Yehova Chiuta wakusankha munthu wakwenere, yo ndi mwana waki Yesu kuti waziwusi charu chosi. (Luka 1:31-33) Yesu waphweriyanga ŵanthu pa nyengu yo wenga pacharu chapasi. Nge Fumu, iyu wazamuwovya ŵanthu amitundu yosi kuti azijengi mwakukoliyana ndipuso wazamutuzgapu masuzgu ngosi.Ŵerengani Sumu 72:8, 12-14.

Kumbi ŵanthu wosi azomerezgengi kuti Yesu waŵawusi? Awa. Kweni Chiuta watiŵachitiya lisungu. (2 Petro 3:9) Iyu wapaska ŵanthu mwaŵi wakuti asankhi Yesu nge Wakuwusa. Pambula kuswera, Yesu watuzgengepu ŵanthu wosi aheni ndipu pacharu chosi pazamuja chimangu.Ŵerengani Mika 4:3, 4.

 

Ziŵani Vinandi

Kumbi Bayibolo Lisambizanji Weniukongwa?

Kumbi Ufumu Waku Chiuta Nchinthu Wuli?

Ŵanthu anandi atiliziŵa rombu la Ambuya. Kumbi mazu ngakuti, “Ufumu winu uzi” ngang’anamuwanji?