Julani

Lutani pa menyu yachiŵi

Lutani pa vo ve mukati

Akaboni aku Yehova

Chitonga (Malawi)

Chigongwi cha Alinda  |  January 2015

 NKHANI YA PAPEJI LAKWAMBA | MUNGAJA PA UBWEZI WAKUKHO NDI CHIUTA

Palivi Chinthu Chakukondweska Kuruska Kuja pa Ubwezi ndi Chiuta

Palivi Chinthu Chakukondweska Kuruska Kuja pa Ubwezi ndi Chiuta

Kumbi ndi vinthu nivi vo mungachita kuti muje pa ubwezi ndi Chiuta? Takambiskana vinthu vitatu vo vingakuwovyani. Vinthu ivi ndi:

  1. Mutenere kuziŵa ndi kugwiriskiya nchitu zina laku Chiuta lakuti Yehova.

  2. Mukambiskanengi nayu nyengu zosi mwakuromba kweniso musambirengi Mazu ngaki, Bayibolo.

  3. Muchitengi vo Yehova wakhumba.

Jani pa ubwezi wakukho ndi Chiuta mwakugwiriskiya nchitu zina laki, kuromba kwaku iyu, kusambira Mazu ngaki ndipuso kuchita vo wakhumba

Mwakukolerana ndi fundu izi, kumbi imwi muwona kuti mutesesa kuchita vinthu vo vingakuwovyani kuja pa ubwezi ndi Chiuta? Kumbi muwona kuti pe vigaŵa vinyaki vo mutenere kusintha? Kukamba uneneska, mukhumbika kuchita phamphu chifukwa mphwayi ndi soka.

Jennifer wa ku United States wangukamba kuti: “Asani munthu wachita phamphu kuti waje pa ubwezi ndi Chiuta, wayanduwa ukongwa. Kuja pa ubwezi ndi Chiuta kusakatiska: wamunthu ugomezga ukongwa Chiuta, utimuziŵa umampha, kweniso utimuyanja ukongwa. Kukamba uneneska, palivi chinthu chakukondweska kuruska kuja pa ubwezi ndi Chiuta!”

Asani namwi mukhumba kuja pa ubwezi ndi Chiuta, Akaboni aku Yehova angakuwovyani ndi mtima wosi. Yiwu angayanja kusambira namwi Bayibolo kwawezi. Kweniso mungaluta ku Nyumba ya Ufumu yo ye kufupi ndi kwinu, ko mwamusambira vinthu vakupambanapambana kutuliya m’Bayibolo, ndipu mwamukondwa ukongwa chifukwa mwamucheza ndi ŵanthu wo ŵe pa ubwezi ndi Chiuta. * Asani mungaluta ku maunganu, namwi mwazamukamba nge wakulemba sumu munyaki yo wangukamba kuti: “Kweni kwaku ini, awa, naku nkhuzirwa kuŵa pafupi ndi Chiuta.”Sumu 73:28.

^ ndimi 9 Asani mukhumba kusaniya munthu wakuti wasambirengi namwi Bayibolo pamwenga ko kwe Nyumba ya Ufumu, fumbani munthu yo wangukupaskani magazini iyi, pamwenga fufuzani pa Webusayiti yidu ya www.jw.org/tog. Kweniso, wonani mutu wakuti, KAMBISKANANI NASI pakumaliya pa peji lakwamba.

Ziŵani Vinandi

MAFUMBU NGO ŴANTHU AFUMBA KAŴIKAŴI

Kumbi Sambiru la Bayibolo Nchinthu Wuli?

Saniyani kwamuka kwakukwaskana ndi sambiru la Bayibolo lawezi.

MAWUNGANU

Kumbi ndi Vinthu Wuli vo Vichitika pa Nyumba ya Ufumu?

Lutani ku Nyumba ya Ufumu kuti mukajiwone mwija.